سعودی عرب کی فٹ بال ٹیم کے کھلاڑی سالم الدوسری نے پاکستان پہنچنے پر خوشی کا اظہار کیا ہے۔
سماجی رابطے کی ویب سائٹ ’ایکس‘ پر اپنی ٹوئٹ میں انہوں نے لکھا کہ میں پیارے پاکستان میں بہت خوش ہوں، اور کل جناح اسٹیڈیم میں ملاقات کا منتظر ہوں۔
میں پیارے پاکستان میں بہت خوش ہوں۔
کل جناح اسٹیڈیم میں ملاقات کا میں منتظر ہوں 💚 🇵🇰🇸🇦— سالم الدوسري (@salem_d29) June 5, 2024
واضح رہے کہ سعودی عرب کی فٹ بال ٹیم ورلڈ کپ کوالیفائر میچ کھیلنے کے لیے پاکستان پہنچ گئی ہے۔
سعودی عرب کی فٹ بال ٹیم چارٹر فلائٹ کے ذریعے ریاض سے اسلام آباد پہنچی۔
سعودی عرب کے سفیر نواف سعید المالکی نے ٹیم کا استقبال کیا۔ جبکہ سیکریٹری آئی پی سی ظہور احمد، ڈی جی پی ایس بی شاہد اسلام، چیرمین وزیراعظم یوتھ پروگرام رانا مشہود اور پی ایف ایف آفیشلز بھی موجود تھے۔
سعودی عرب کی فٹ بال ٹیم پہلی بار پاکستان کا دورہ کررہی ہے، ٹیم کو سخت سیکیورٹی میں ایئرپورٹ سے ہوٹل پہنچایا گیا۔
سعودی عرب کی فٹ بال ٹیم کپتان عبدالرحمان غریب کی قیادت میں کل اسلام آباد کے جناح اسٹیڈیم میں پاکستان کے ساتھ ورلڈکپ کوالیفائر کھیلے گی۔
