افغانستان نے ٹی20 ورلڈ کپ میں سنسنی خیز مقابلے کے بعد بنگلادیش کو ڈک ورتھ لوئس سسٹم (ڈی ایل ایس) کے تحت 8 رنز سے شکست دے کر تاریخ میں پہلی بار ورلڈ کپ کے سیمی فائنل میں رسائی حاصل کرلی۔
میچ کئی مرتبہ بارش کی وجہ سے روکنا بھی پڑا تاہم قسمت افغان ٹیم کے ساتھ نظر آئی اور بارش سے کئی مرتبہ متاثر ہونے والے میچ میں بنگلادیش کی ٹیم 17.5 اوورز میں 105 رنز بنا کر آؤٹ ہوگئی۔
افغانستان کی جیت پر جہاں کئی شائقین ان کو مبارکباد دیتے اور بولرز کی تعریف کرتے نظر آئے وہیں چند صارفین نے افغانستان کی جیت پر سوال بھی اٹھا دیے۔ سوشل میڈیا پر افغانستان کی ٹیم کے ہیڈ کوچ جوناتھن ٹراٹ کی ایک ویڈیو شیئر کی جارہی ہے جس میں وہ اپنی ٹیم کے کھلاڑیوں کو ’سست روی‘ سے کھیلنے کا اشارہ کرتے ہیں۔
جوناتھن ٹراٹ کے اشارے کے بعد گلبدین نائب اچانک میدان میں گر جاتے ہیں اور میچ تھوڑی دیر کے لیے روک دیا جاتا ہے۔ ایک صارف نے ویڈیو پر تبصرہ کرتے ہوئے لکھا کہ گلبدین نائب کو ان کی پرفارمنس پر آسکر ایوارڈ ملنا چاہیے۔
MOMENT of the World Cup😂😂😂
Gulbadin Naib. Give this man an OSCAR.
GOAT actor of our generation 😂#AFGvBAN #AFGvsBAN #T20WoldCup pic.twitter.com/NRB54zhqBd
— S I D (@iMSIDPAK) June 25, 2024
ایک صارف نے لکھا کہ گلبدین نائب کو 10.01 بجے چلنے میں بھی مشکل پیش آرہی تھی جبکہ 10.34 بجے جب افغانستان جیت گیا تو وہ سب سے تیز دوڑ رہے تھے۔
Gulbadin Naib was struggling to walk at 10.01am.
– He was running the fastest at 10.34am when Afghanistan won. 😂❤️ pic.twitter.com/KRv3mOyU9O
— Mufaddal Vohra (@mufaddal_vohra) June 25, 2024
سپورٹس جرنلسٹ عمران صدیقی لکھتے ہیں کہ بنگلادیش نے بارش سے پہلے 81 رنز بنائے اور وہ افغانستان کے برابر اسکور کرنے سے صرف 2 رنز پیچھے تھے اور گلبدین نائب نے ڈی ایل ایس پر بنگلادیش کی فتح سے بچنے کے لیے ایسا کیا۔ یہ افغانستان کی طرف سے دھوکا ہے اور ناقابلِ قبول ہے۔ ان کا کہنا تھا کہ ایک بار دھوکا دینے والا ہمیشہ دھوکا دیتا ہے۔
This is Unacceptable ❌
This is cheating from Afghanistan ❌Bangladesh scored 81 Runs before the rain and they were only 2 Runs behind par score and Gulbadin Naib do this to avoid Bangladesh victory on DLS
Once a cheater always a Cheater pic.twitter.com/oEnVPlcFCP
— ٰImran Siddique (@imransiddique89) June 25, 2024
ایک انڈین ایکس صارف نے طنزاً لکھا کہ بنگلادیش سے فتح حاصل کرنے کے بعد گلبدین نائب جشن مناتے ہوئے پوری ٹیم سے تیز دوڑ رہے ہیں۔
In victory celebration Gulbadin running faster whole team.. 🤣🤣#Afgvsban #Banvsafg pic.twitter.com/AnmLVK6Gy1
— भाई साहब (@Bhai_saheb) June 25, 2024
انڈین کرکٹر روی چندرن اشون نے مزاحیہ انداز اپناتے ہوئے لکھا کہ گلبدین نائب کو ریڈ کارڈ دینا چاہیے۔
Red card for Gulbadin Naib😂😂😂
— Ashwin 🇮🇳 (@ashwinravi99) June 25, 2024
صارفین کا کہنا ہے کہ افغانستان کے کھلاڑیوں نے کئی بار تاخیری حربے استعمال کیے تاکہ میچ پورا نہ ہوسکے کیونکہ اس طرح افغانستان کو ایک پوائنٹ مل جاتا اور وہ سیمی فائنل میں آرام سے جگہ بنا سکتی تھی اور اسی وجہ سے ڈریسنگ روم سے کھلاڑیوں کو تاخیر سے کام لینے کے اشارے مل رہے تھے اور پھر ایسا ہی ہوا، گلبدین نائب شاندار ایکٹنگ کرتے ہوئے گر پڑے اور میچ تاخیر کا شکار ہو گیا۔
واضح رہے کہ افغانستان کی فتح سے آسٹریلیا ایونٹ سے باہر ہوگیا ہے۔ اب سیمی فائنل میں افغانستان کا مقابلہ جنوبی افریقہ سے ہوگا جبکہ دوسرے سیمی فائنل میں انگلینڈ بھارت کے مدِمقابل ہوگا۔
خیال رہے کہ ٹی20 ورلڈ کپ میں پہلا سیمی فائنل 27 جون کو افغانستان اور جنوبی افریقہ کے درمیان ٹرینیڈاڈ اینڈ ٹوباگو میں کھیلا جائے گا جبکہ ایونٹ کا دوسرا سیمی فائنل بھی 27 جون کو ہوگا جو گیانا میں انگلینڈ اور انڈیا کے درمیان کھیلا جائے گا۔
