وفاقی وزیر خزانہ محمد اورنگزیب نے کہا ہے کہ میں اب پاکستان میں ہی رہوں گا، 2018 میں ہی وطن آگیا تھا۔
اسلام آباد میں پریس کانفرنس کے دوران صحافی کے سوال پر وزیر خزانہ نے کہاکہ وہ دُہری شہریت چھوڑ چکے ہیں۔
مزید پڑھیں
واضح رہے کہ رواں سال مارچ میں محمد اورنگزیب نے نیدرلینڈز کی شہریت چھوڑ کر دوبارہ پاکستانی شہریت لینے کی درخواست دی تھی جسے وفاقی کابینہ نے منظور کرلیا تھا اور اس کے بعد ان کے وزیر خزانہ بننے کی راہ ہموار ہوئی تھی۔
اپریل 2018 سے پاکستان کے بڑے بینکوں میں شمار ہونے والے حبیب بینک لمیٹڈ کے صدر محمد اورنگزیب اس سے قبل ایشیا کے جے پی مورگن گلوبل کارپوریٹو بینک کے سربراہ بھی رہ چکے ہیں۔
محمد اورنگزیب کے پاس بینکنگ کا 30 سالہ تجربہ ہے، اس کے علاوہ وہ پاکستان بینکس ایسوسی ایشن کے سربراہ اور پاکستان بزنس کونسل کے ڈائریکٹر بھی منتخب کیے جاچکے ہیں، جبکہ ایمسٹرڈیم اور سنگاپور میں بینکوں کے انتظامی عہدوں پر فرائض سرانجام دے چکے ہیں۔
