آسٹریلوی کھلاڑی اسٹیو اسمتھ رواں ہفتے سے شروع ہونی والی انڈین پریمیئر لیگ (آئی پی ایل) میں کمنٹیٹر کے طور پر ڈیبیو کریں گے۔
غیر ملکی میڈیا رپورٹس کے مطابق آئی پی ایل کا 16 واں ایڈیشن جمعہ کو احمد آباد میں شروع ہو رہا ہے جو آٹھ ہفتوں تک جاری رہے گا۔
میڈیا رپورٹس کے مطابق آئی پی ایل میں 10 ٹیمیں پنجہ آزمائی کریں گی جس میں عالمی کھلاڑیوں کی بھی خاصی تعداد موجود ہو گی۔
رپورٹس کے مطابق 33 سالہ اسٹیو اسمتھ کمنٹری میں اپنا ڈیبیو کرنے جا رہیں ہیں۔
میڈیا رپورٹس کے مطابق اعلان سے قبل اسٹیو اسمتھ نے ایک پوسٹ کے ذریعے اپنے مداحوں کو بتایا تھا کہ وہ آئی پی ایل 2023 میں شریک ہوں گے جس نے ان قیاس آرائیوں کو جنم دیا تھا کہ وہ ایک کھلاڑی کے طور پر ٹورنامنٹ میں واپس آسکتے ہیں۔
اسٹیو اسمتھ نے آخری مرتبہ 2021 میں آئی پی ایل میں دہلی کیپٹلز کی جانب سے کھیلا تھا جس کے بعد وہ اگلے سیزن کی نیلامی میں فروخت نہیں ہو سکے تھے۔