سوشل میڈیا پر بچوں کے معروف امریکی ٹیلی وژن چینل ’کارٹون نیٹ ورک‘ بند ہونے کی خبریں تیزی سے گردش کر رہی ہیں۔
سوشل میڈیا پر RIPCartoonNetwork# کا ٹرینڈ چل رہا ہے جس پر صارفین پریشان نظر آتے ہیں کہ یہ موجودہ دور میں ان کے لیے تفریح کا سامان ہے جس کو بند کیا جارہا ہے۔ ان کا ایک ہی سوال ہے کہ کیا کارٹون نیٹ ورک واقعی بند ہورہا ہے یا ماضی کی طرح ایک بار پھر صرف ایک افواہ اُڑائی جا رہی ہے۔
’آر آئی پی کارٹون نیٹ ورک‘ کا ہیش ٹیگ ٹاپ ٹرینڈ کرنے کے بعد سینکڑوں صارفین کارٹون نیٹ ورک بند ہونے والی پوسٹ کو دوبارہ ری پوسٹ بھی کررہے ہیں لیکن اس حوالے سے ابھی تک کارٹون نیٹ ورک کی جانب سے کوئی ردِعمل نہیں دیا گیا کہ اس بات میں کوئی صداقت ہے یا نہیں۔
ایک صارف نے لکھا کہ اس بارے میں اپنی رائے کا اظہار کریں کہ کارٹون نیٹ ورک کے بند ہونے سے اینیمیشن کے لیے کیا خطرہ ہے اور ساتھ ہی انہوں نے کہا کہ اپنے پسندیدہ کارٹون نیٹ ورک کے بارے میں بھی بتائیں۔
Cartoon Network is dead?!?!
Spread the word about what’s at stake for animation!!! Post about your favorite Cartoon Network shows using #RIPCartoonNetwork
Active members of TAG can help by filling out your survey! Today (7/8) is the last day! pic.twitter.com/dHNMvA1q0A
— Animation Workers Ignited (@AWorkersIgnited) July 8, 2024
ایک ایکس صارف نے افسردگی کا اظہار کرتے ہوئے لکھا کہ یہ ایک دور کا اختتام ہے، کارٹون نیٹ ورک باضابطہ طور پر بند ہوگیا ہے۔ انہوں نے ایک ویڈیو شیئر کرتے ہوئے کہا کہ یہ وہ تمام شوز جنہوں نے ہمارا بچپن خوشگوار بنایا۔
it’s the end of an era, Cartoon Network has officially shut down 😢 here are all the shows that made our childhood #RIPCartoonNetwork pic.twitter.com/jKnz5tL24X
— Redd (@ReddCinema) July 9, 2024
صارفین کا کہنا تھا کہ کارٹون نیٹ ورک نے اب تک کے سب سے بڑے شوز متعارف کروائے ہیں اور ہم اس کے لیے ہمیشہ ان کے شکر گزار رہیں گے۔
Cartoon Network gave us the Greatest Intro Ever and we will forever be thankful for that #RipCartoonNetwork pic.twitter.com/ch4ri97GsV
— sea✰ (@destroynectar) July 9, 2024
جہاں ایک طرف متعدد صارفین کارٹون نیٹ ورک کے بند ہوجانے پر افسردگی کا اظہار کررہے ہیں وہیں چند میڈیا رپورٹس کے مطابق متعدد چیلنجز کے باوجود کارٹون نیٹ ورک بند نہیں ہورہا اور اپنا کام ماضی کی طرح جاری رکھے گا۔
واضح رہے کہ 2022 میں بھی سوشل میڈیا پر ان خبروں نے سر اٹھایا تھا کہ کارٹون نیٹ ورک ہمیشہ کے لیے بند ہورہا ہے لیکن کارٹون نیٹ ورک نے سماجی رابطوں کی سائٹ ایکس (سابقہ ٹوئٹر) پر اعلان کیا تھا کہ وہ کہیں نہیں جارہے اور ہمیشہ آپ کے گھروں کی زینت بنتے رہیں گے۔
Y’all we're not dead, we're just turning 30 😂
To our fans: We're not going anywhere. We have been and will always be your home for beloved, innovative cartoons ⬛️⬜️ More to come soon!#CartoonNetwork #CN30 #30andthriving #CartoonNetworkStudios #FridayFeeling #FridayVibes
— Cartoon Network (@cartoonnetwork) October 14, 2022
خیال رہے کہ امریکی کمپنی ’کارٹون نیٹ ورک‘ یکم اکتوبر 1992 کو متعارف کروائی گئی تھی، کارٹون نیٹ ورک کے کارٹونز پاور پَف گرلز، ایڈونچر ٹائم، لونی ٹونز، ٹام اینڈ جیری، اسکوبی ڈو، بین10 بچوں اور بڑوں میں دلچسپی اور شوق سے دیکھے جاتے ہیں۔
