برطانیہ کے مشرقی سسیکس کے علاقے روٹنگین کے ایک کھیت میں سینکڑوں بھیڑوں نے منفرد حلقہ بنا کر سوشل میڈیا صارفین کے دل جیت لیے ہیں۔
کرسٹوفر ہوگ نامی برطانوی شہری کی جانب سے سوشل میڈیا پر ان منفرد بھیڑوں کی تصویر شیئر کرنے کے بعد صارفین نے ان پر دلچسپ تبصرے کیے ہیں۔ کسی نے انہیں اجنبی جہاز کہا تو کوئی انہیں اڑن طشتری سے تشبیع دے رہا ہے۔
برطانوی آن لائن اخبار دی میل کے مطابق کرسٹوفر ہوگ اپنی موٹرسائیکل پر باہر جا رہا جب اس کی نظر کھیت میں ایک عجیب منظر پر پڑی اور اس غیر معمولی واقعے کی تصاویر فیس بک پر شیئر کردیں
تصویریں شیئر کرنے کے بعد فیس بک پر درجنوں سوشل میڈیا صارفین نے کہا کہ یہ ‘اجنبی جہاز’ کی طرح لگتا ہے۔
کرسٹوفر کا کہنا ہے کہ ‘میں اپنے روزمرہ کے چکر پر تھا اور پہاڑی کے اوپر آیا اور بھیڑوں کے اس شاندار دائرے کو دیکھا، جس نے مجھے یہ سوچنے پر مجبور کیا کہ یہ جو بھی تھا، بہت شاندار تھا۔
انہوں نے کہا کہ یہ منظر اجنبی جہاز کی طرح طشتری کی شکل کا تھا۔ یہ خوبصورت تھا اور تھوڑا سا عجیب تھا۔ میں اپنی سائیکل لے کر قریب گیا اور پھر احساس ہوا کہ یہ بھیڑوں کا حلقہ ہے۔
انہوں نے کہا کہ بھیڑیں اکثر عجیب و غریب’ حرکت کرتی ہیں اور عام طور پر شور مچاتی ہیں، لیکن اس دن وہ بہت پرسکون تھیں۔ یہ منظر اتنا پرسکون تھا کہ جیسے وہ ٹرانس مستی میں تھیں۔
انہوں نے اس تصویر کو فیس بک پر بھی شیئر کردی جہاں دوسرے صارفین نے یہ جاننے کی کوشش کی کہ اس تصویر آخر کیا ہے۔
