بھارتی وزیراعظم نریندر مودی نے بھارت واپسی پر پاکستان کی فضائی حدود استعمال کی ہے۔ بھارتی وزیراعظم کا جہاز پولینڈ سے واپس بھارت جاتے ہوئے پاکستان کی فضائی حدود سے گزارا۔
مزید پڑھیں:والدہ نیرج چوپڑا کے ارشد ندیم کو سراہنے پر نریندر مودی کا کیا ردعمل تھا؟
ایوی ایشن ذرائع کے مطابق بھارتی وزیراعظم کے جہاز نے 45 منٹ تک پاکستان کی فضائی حدود استعمال کی اور چترال سے پاکستانی فضائی حدود میں داخل ہو کر لاہور سے ہوتا ہوا بھارت امرتسر میں داخل ہوا۔
میڈیا رپورٹس کے مطابق سول ایوی ایشن کے ذرائع نے بتایا ہے کہ بھارتی وزیراعظم مودی کا طیارہ 10 بجکر 15 منٹ پر پاکستان کی فضائی حدود میں داخل ہوا اور 11 بجکر ایک منٹ پر بھارت میں داخل ہوا۔