پی ٹی اے کی ہدایت پر ٹیلی کام آپریٹرز کا سائبر سیکیورٹی آڈٹ شروع ہوگیا ہے۔ عالمی معیار کی کمپنیوں سے کرائے جانے والے سائبر سیکیورٹی آڈٹ کا حتمی جائزہ پی ٹی اے لے گا۔ ٹیلی کام آپریٹرز کی سائبر سیکیورٹی کا تمام تکنیکی پہلوؤں سے جائزہ لیا جائے گا۔ ٹیلی کام کمپنیوں کی جانب سے پی ٹی اے کے سائبر سیکیورٹی فریم ورک پر عملدرآمد کی صورتحال کا بھی جائزہ لیا جائے گا۔
مزید پڑھیں:سست رفتار انٹرنیٹ: سب میرین کیبلز کی خرابی دور کی جارہی ہے، پی ٹی اے
میڈیا رپورٹس کے مطابق سائبر سیکیورٹی فریم ورک کے تحت یہ جائزہ بھی لیا جائے گا کہ فائروال لگی ہے یا نہیں۔ ٹیلی کام آپریٹرز کے سٹاف کی سیکیورٹی کلیئرنس بھی دیکھی جائے گی۔ ٹیلی کام آپریٹرز سے صارفین کا ڈیٹا لیک نہ ہونے کا بھی جائزہ لیا جائے گا۔ ٹیلی کام آپریٹرز کا سائبر سیکیورٹی آڈٹ مکمل ہونے کے بعد پی ٹی اے اس پر اپنی فائینڈنگ دے گا۔
مزید پڑھیں:پی ٹی اے نے ’وی پی این‘ رجسٹریشن کی سفارش کیوں کی؟
پی ٹی اے ذرائع کے مطابق ٹیلی کام آپریٹرز کے اسٹاف کی سیکیورٹی کلیئرنس بھی دیکھی جائے گی۔ ٹیلی کام آپریٹرز سے صارفین کا ڈیٹا لیک نہ ہونے کا بھی جائزہ لیا جائے گا۔
