وفاقی وزارت اطلاعات و نشریات نے 6 ستمبر یوم دفاع پاکستان کے موقع پر عام تعطیل کے حوالے سے چلنے والی خبروں پر وضاحت جاری کردی۔
سوشل میڈیا پر ایک نوٹیفکیشن گردش کررہا ہے، جس میں کہا جارہا ہے کہ کل یوم دفاع پاکستان کے موقع پر ملک بھر میں عام تعطیل ہوگی۔
یہ بھی پڑھیں کیا 6 ستمبر کو عام تعطیل ہے؟
وزارت اطلاعات و نشریات نے سوشل میڈیا پر چلنے والے اس نوٹیفکیشن کو جعلی قرار دے کر چھٹی کی تردید کردی ہے۔
وزارت اطلاعات نے کہا ہے کہ سوشل میڈیا پر گردش کرنے والا نوٹیفکیشن جعلی ہے، کل ملک میں چھٹی نہیں ہوگی، بلکہ تمام دفاتر کھلیں گے۔
یاد رہے کہ 6 ستمبر یوم دفاع پاکستان 1965 کی جنگ کی یاد میں منایا جاتا ہے جب پاک فوج کے جری جوانوں نے بھارت کو ناکوں چنے چبواتے ہوئے شکست دی تھی، اور عزائم خاک میں ملا دیے تھے۔
یہ بھی پڑھیں ’اے وطن تیرے صدقے اتارے گئے‘، یوم دفاع پاکستان پر نیا ترانہ جاری
کل یوم دفاع پاکستان کے موقع پر وطن عزیز کی خاطر جانوں کے نذرانے پیش کرنے والوں کو خراج عقیدت پیش کیا جائے گا، اور اس حوالے سے سرکاری تقریبات بھی ہوں گی۔
