بالی ووڈ اداکارہ ملائکہ اروڑا کے والد انیل اروڑا نے عمارت کی چھٹی منزل سے لگا کر خودکشی کرلی۔
بھارتی میڈیا کے مطابق ملائکہ اروڑا کے والد نے 11 ستمبر کی صبح ممبئی کے علاقے باندرہ میں واقع اپنی رہائش گاہ کی چھٹی منزل سے چھلانگ لگا کر خودکشی کرلی تاہم ملائکہ کے قریبی ذرائع نے دعویٰ کیا کہ یہ ایک حادثہ تھا۔
View this post on Instagram
میڈیا رپورٹس کے مطابق جب ملائکہ اروڑا کے والد نے انتہائی قدم اٹھایا تو اُس وقت اداکارہ گھر میں موجود نہیں تھیں۔ خودکشی کی خبر ملتے ہی وہ اپنے دیگر اہلخانہ اور سابق شوہر ارباز خان کے ہمراہ اپنے والد کی رہائش گاہ پر پہنچیں۔
View this post on Instagram
پولیس نے جائے وقوعہ پر پہنچ کر عمارت کو گھیرے میں لے لیا ہے جبکہ حکام ابھی تک خودکشی کے پیچھے کی ممکنہ وجوہات معلوم نہیں کرسکے۔
واضح رہے کہ ملائکہ اروڑہ کی عمر جب 11 سال تھی تو ان کے والدین کے درمیان علیحدگی ہوگئی تھی، والدین کی علیحدگی کے بعد ملائکہ اور اُن کی چھوٹی بہن امریتا راؤ اپنی والدہ کے ساتھ رہیں۔ فلم فیئر کو دیے گئے ایک ماضی کے انٹرویو میں ملائکہ اروڑا نے والدین کے ساتھ اپنے تعلقات کے بارے میں کھل کر بات کی تھی۔
ملائکہ کا کہنا تھا کہ ان کی پرورش کی ذمہ داری والدہ کی تھی اور بچپن بہت اچھا گزرا لیکن یہ آسان نہیں تھا اور مشکل وقت آپ کو اہم سبق بھی سکھاتا ہے۔ ملائکہ کا کہنا تھا کہ وہ آزاد ہیں اور اپنی آزادی کی قدر کرتی ہیں ار اپنی شرائط پر زندگی بسر کرتی ہیں۔
ملائکہ اروڑا کے والد کا تعلق پنجاب سے تھا جبکہ وہ بھارتی مرچنٹ نیوی میں کام کرچکے تھے جبکہ ان کی والدہ عیسائی ہیں۔
