پنجاب حکومت نے تحریک انصاف کو ایس او پیز کے ساتھ آج لاہور میں جلسہ کرنے کی اجازت دے دی، قصور روڈ کاہنہ کے مقام پر جلسہ کے لیے پی ٹی آئی کارکنان کی آمد کا سلسلہ جاری ہے، اور جلسہ گاہ میں اسٹیج کی تیاری شروع کردی گئی ہے۔ انتظامیہ اور پی ٹی آئی کے درمیان مذاکرات کے بعد جلسے کے لیے وقت اور وزیراعلیٰ خیبرپختونخوا کی معذرت سے متعلق شرط ختم کردی گئی۔
پی ٹی آئی کو شکست دینا مشکل ہے۔۔کنٹینرز پل کے نیچے سے گزر نہیں رہا تھا پھنس گیا تھا ۔۔لیکن جگاڑ لگایا گیا اور گھسیٹ کر اب کنٹینرز کو پل کے نیچے سے گزارا جارہا ہے۔۔۔سٹیج تیار ہونا شروع pic.twitter.com/k38pvj3BEC
— Imran Bhatti (@ReporterBhatti) September 21, 2024
نوٹیفکیشن کے مطابق جلسے کے دوران ریاست یا اداروں کے خلاف نعرے بازی اور بیان بازی نہیں کی جائے گی۔ کوئی اشتہاری مجرم جلسے میں شرکت نہیں کرے گا، دوسری صورت میں اشتہاری مجرم کی گرفتاری میں تعاون جلسہ انتظامیہ کی ذمہ داری ہوگی، ناکامی کی صورت میں انتظامیہ پر معاونت کا مقدمہ درج ہوگا۔
اس QR code کو سکین کر کے google maps کی مدد سے کاہنہ سبزی منڈی لاہور جلسہ گاہ تک با آسانی پہنچیں!#LahoreJalsa#میں_پاکستان_کا_مالک_ہوں pic.twitter.com/YH00CyQjSS
— PTI (@PTIofficial) September 20, 2024
جلسہ گاہ تک کارکنان کی رسائی کو آسان بنانے کے لیے تحریک انصاف نے اپنے سوشل میڈیا پلیٹ فارم ایکس پر ایک پوسٹ شیئر کی ہے جس میں جلسہ گاہ کی طرف آنے کے راستے کے بارے میں آگاہی دی گئی ہے۔
علی امین کے ناقابل ضمانت وارنٹ گرفتاری جاری
انسداد دہشتگردی عدالت اسلام آباد نے دہشتگردی کی دفعات کے تحت تھانہ آئی نائن میں درج مقدمے میں وزیراعلیٰ خیبرپختونخوا علی امین گنڈاپور اور پاکستان تحریک انصاف (پی ٹی آئی) کے دیگر رہنماؤں کے وارنٹ گرفتاری جاری کر دیے جبکہ عمر تنویر بٹ کو اشتہاری قرار دے دیا ہے۔
علی امین گنڈاپور کی درخواست ضمانت قبل از گرفتاری پر سماعت سماعت انسداد دہشتگردی عدالت کے جج طاہر عباس سپرا نے کی۔ اس موقع پر علی امین گنڈاپور کے وکیل راجا ظہورالحسن عدالت میں پیش ہوئے۔
ظہورالحسن کی جانب سے علی امین گنڈاپور کی حاضری معافی کی درخواست عدالت میں جمع کروائی گئی، جس پر پراسیکیوٹر کا کہنا تھا کہ عدالت ملزم کا کنڈکٹ دیکھ لے مسلسل خلاف ورزی ہو رہی ہے۔
عمران خان جلسوں سے رہا نہیں ہوں گے، علی امین لاہور میں معافی مانگیں، عظمیٰ بخاری
وزیر اطلاعات پنجاب عظمیٰ بخاری نے کہا کہ سابق چیئرمین تحریک انصاف عمران خان جلسوں کے ذریعے باہر نہیں آسکتے، چیئرمین پی ٹی آئی کے اپنے بچے کیوں جلسے میں نہیں آرہے؟ جلسے کی اجازت دے کر پی ٹی آئی کو سیاسی جماعت ثابت کرنے کا موقع دیا گیا ہے۔ علی امین تحریری طور پر نہیں تو جلسے میں معافی مانگیں۔
وزیر اطلاعات پنجاب عظمیٰ بخاری نے کہا کہ انتظامیہ نے پی ٹی آئی جلسے کے لیے ایس اوپیز جاری کیے ہیں، عدالت نے گزشتہ روز پی ٹی آئی کی درخواست نمٹادی تھی، ایس او پیز کے ساتھ پی ٹی آئی کو جلسہ کرنے کی اجازت دی گئی ہے۔
’یقین دہانی کرائی گئی ہے کہ علی امین گنڈا پور معافی مانگیں گے، وہ تحریری معافی نہیں مانگ سکتے تو جلسے میں مانگ لیں‘۔
عظمیٰ بخاری کا کہنا تھا کہ پی ٹی آئی والے انتظامیہ کو درخواست دیے بغیر لاہورہائیکورٹ پہنچ جاتے ہیں، آج پی ٹی آئی کا جلسہ کاہنہ مویشی منڈی میں ہے، ہرپل سے پہلے اونچائی لکھی ہوئی ہے، انہوں نے وہاں کنٹینر پھنسا دیا، ہم نے کوئی سڑک بند نہیں کی، اب ہم پر الزام لگایا جائے گا کہ حکومت نے راستہ بلاک کردیا ہے۔
عظمیٰ بخاری نے الزام عائد کیا کہ علی امین گنڈاپور ڈنڈا بردار فورس لیکر لاہور آرہے ہیں، فورس کے پاس اسلحہ بھی موجود ہے، جلسے کے لیے خیبرپختونخوا کے سرکاری ملازمین کو لایا جارہا ہے، ہم جلسے میں شرکت کرنے والوں کی تواضع کریں گے۔
’آفیشل واٹس ایپ گروپ میں علی امین گنڈاپور کو تیاریوں کا بتایا جا رہا ہے، کسی کوقانون ہاتھ میں لینے کی اجازت نہیں ہوگی‘۔
وزیراطلاعات کا کہنا تھا کہ شیرافضل کو کورونا ہوگیا، عمر ایوب کی بھی طبیعت خراب ہوگئی ہے، جلسے میں 9مئی کے اشتہاریوں کو دیکھا جائے گا، پنجاب کے عوام مصروف ہیں جلسے کے لیے پی ٹی آئی اپنے لوگ لے کر آئے۔
’ہم پی ٹی آئی والوں کو لاہور آنے دے رہے ہیں یہ بڑا احسان ہے‘۔
انہوں نے کہا کہ سڑک بند نہیں ہوگی لیکن بندے انہیں خود لانے پڑیں گے، منتظمین 6 بجے جلسہ ختم کرنے کے ذمہ دار ہوں گے۔
پی ٹی آئی رہنماؤں کے بیانات
پی ٹی آئی چیئرمین بیرسٹر گوہر نے کہا ہے کہ انتظامیہ راستوں میں کوئی رکاوٹ کھڑی نہ کرے، رکاوٹیں نہ ہونے پر عوام وقت پر پہنچیں گے اور ہم جلسہ بروقت ختم کرسکیں گے۔
پنجاب اسمبلی میں اپوزیشن لیڈر احمد خان بھچر نے کہا کہ کوشش ہوگی کہ آئین اور قانون کے مطابق پُرامن جلسہ کیا جائے۔
عامرمغل بیرسٹر گوہر اور شعیب شاہین روات سے لاہور روانہ pic.twitter.com/wd4HugPqRE
— PTI (@PTIofficial) September 21, 2024
شعیب شاہین نے کہا کہ تمام کارکنان سے درخواست ہے کہ پرامن طریقے سے جلسہ گاہ پہنچیں، رکاوٹوں کو عبور کریں اور براستہ جی ٹی روڈ بروقت جلسہ گاہ پہنچیں۔
بیرسٹر گوہر کی قیادت میں تحریک انصاف کا قافلہ اسلام آباد سے لاہور کےلئے روانہ، دعائے خیر کی گئی۔۔!! pic.twitter.com/fTfutxTeaM
— Khurram Iqbal (@khurram143) September 21, 2024
چیئرمین تحریک انصاف بیرسٹر گوہر کی قیادت میں قافلہ کی روانگی سے قبل دعائے خیر کی گئی۔
موٹروے سے راستے بند ہیں جی ٹی روڈ سے لاہور آئیں،پی ٹی آئی رہنما عامر مغل کا روات سے لاہور روانہ ہونے سے قبل پیغام pic.twitter.com/BYTb40u8Wm
— WE News (@WENewsPk) September 21, 2024
اپوزیشن لیڈر قومی اسمبلی عمر ایوب نے کہا کہ ہم لاہور جلسے میں شرکت کرنے کے لیے روانہ ہوچکے ہیں، اپنا قافلہ وزیر اعلیٰ خیبرپختونخوا کے ساتھ لے کر چلیں گے۔
🚨🚨🚨🚨بانی پی ٹی ائی عمران خان کا حکم ہے کہ کشتیاں جلا کر جلسے کے لئے نکلیں ۔۔ pic.twitter.com/PcCwYOGc0z
— Abbas Shabbir (@Abbasshabbir72) September 21, 2024
انہوں نے کہا کہ عمران خان کے احکامات پر عمل کرتے ہوئے تمام کارکنان سے گزارش ہے کہ کشتیاں جلا کر نکلیں، جلسہ بہترین ہوگا اور تاریخی جلسہ ہوگا۔
ملک بھر سے قافلے روانہ
دوسری جانب پی ٹی آئی کے لاہور جلسہ میں شرکت کے لیے پی ٹی آئی خیبر پختونخوا کی تیاریاں مکمل ہوگئیں۔ جلسے کے لیے 3 خصوصی کنٹینرز تیار کرلیے گئے ہیں۔ خیبرپختونخوا سے قافلے وزیراعلیٰ خیبرپختونخوا علی امین گنڈاپور کی قیادت میں ایم ون موٹر وے سے روانہ ہوں گے۔
علی امین گنڈا پور لاہور روانگی کےلئے پشاور موٹروے ٹول پلازہ پہنچ گئے، کارکنوں کی جانب سے شاندار استقبال۔
pic.twitter.com/cROr2Y41kf— PTI (@PTIofficial) September 21, 2024
PK 71 تحصیل باڑہ سے ایم پی اے وڈیڈک چئیرمین ضلع خیبر عبدالغنی افریدی کی قیادت میں قافلہ ایم پی اے کے حجرے سے لاہور جلسہ کیلئے روانہ pic.twitter.com/gg3Kq6xPZ0
— PTI (@PTIofficial) September 21, 2024
تحصیل باڑہ سے ایم پی اے عبدالغنی آفریدی کی قیادت میں قافلہ لاہور جلسہ کے لیے روانہ ہوگیا۔
ڈیرہ اسماعیل خان سے قافلہ لاہور جلسے کے لئے روانہ#پنجاب_عمران_خان_کا pic.twitter.com/CloOe0eIqV
— PTI (@PTIofficial) September 21, 2024
ڈیرہ اسماعیل خان سے بھی قافلہ لاہور جلسے میں شرکت کے لیے روانہ ہوگیا۔
کنٹینرز ہٹانے کے لیے کرینز کا لشکر بھی روانہ
لاہور میں ہفتے کو ہونے والے پاکستان تحریک انصاف کے جلسے کی راہ ہموار کرنے کے لیے پشاور سے روانہ ہونے والا کرینوں اور بھاری مشنری کا قافلہ صوابی پہنچ گیا۔
پی ٹی آئی نے اس حوالے سے ویڈیوز بھی جاری کی ہیں جن میں دیکھا جاسکتا ہے کہ کرینز، شاول، ٹریکٹر اور اس قسم کی دیگر اشیا براستہ موٹروے اپنی منزل لاہور کی جانب رواں دواں ہیں۔
تحریک انصاف کا کہنا ہے کہ پارٹی کارکنوں اور عوام کو پنجاب کی حدود میں داخل ہونے سے روکے جانے اور ان کی راہ میں کنٹینرز جیسی رکاوٹیں کھڑی کیے جانے کی صورت میں وہ کرینیں و دیگر مشنری کام آئے گی۔
پنجاب حکومت کی کیا حکمت عملی ہے؟
پنجاب حکومت اور پولیس نے بھی جلسہ کے حوالے سے حکمت عملی اختیار کی ہے جس کے تحت رات گئے لاہور پولیس کو خصوصی ٹاسک سونپ دیے گئے ہیں۔ افسران سے کہا گیا ہے کہ شہر، کینٹ یا دیہی علاقے سے ریلی کی صورت میں جلسے میں شرکت کے لیے جانے کی اجازت نہیں ہوگی۔ تاہم، انفرادی طور پر جانے والوں کونہیں روکا جائے گا۔
اسی طرح رات گئے پولیس نے الرٹ ظاہر کرنے کے لیے ضلع بھر میں تحریک انصاف کے سرکردہ رہنماؤں و کارکنوں کے گھروں پر ڈور ناکنگ بھی شروع کردی ڈور ناکنگ مہم میں پولیس تھانوں کی سطح پر تحریک انصاف کے سرکردہ رہنماؤں و کارکنوں کے گھروں پر جاکر ان کے متعلق دریافت کیا گیا۔
