وزیر اعلیٰ خیبر پختونخوا علی امین گنڈاپور نے مقامی انتظامیہ اور اپنی پارٹی قیادت کو لاہور جلسہ میں غیر ضروری گفتگو نہ کرنے کی یقین دہانی کرا دی ہے۔
یہ بھی پڑھیں:عمران خان جلسوں سے رہا نہیں ہوں گے، علی امین لاہور میں معافی مانگیں، عظمیٰ بخاری
ہفتہ کے روز میڈیا رپورٹس کے مطابق وزیر اعلیٰ خیبر پختونخوا علی امین گنڈا پور نے اپنی قیادت اور لاہور انتظامیہ کو یقین دہانی کرائی ہے کہ وہ لاہور رنگ روڈ کاہنہ جلسہ عام میں پی ٹی آئی کارکنوں تک شائستگی کے ساتھ اپنا پیغام پہنچائیں گے اور جلسہ عام میں کوئی غیر ضروری یا نفرت آمیز گفتگو نہیں کریں گے۔
میڈیا رپورٹس کے مطابق علی امین گنڈاپور کی یقین دہانی کے بعد انتظامیہ نے پی ٹی آئی جلسہ گاہ کے راستوں میں حائل رکاوٹیں بھی ہٹانے پر مشاورت کی ہے اور امکان ہے کہ تمام تر رکاوٹوں کو ہٹا دیا جائے گا۔
یہ بھی پڑھیں:لاہور جلسہ: خیبرپختونخوا سے قافلے علی امین گنڈاپور کی قیادت میں ایم ون موٹر وے سے روانہ ہوں گے
میڈیا رپورٹس کے مطابق علی امین گنڈاپور نے کے پی کے سے پی ٹی آئی ورکرز ساتھ نہ لانے کی بھی یقین دہانی کروائی ہے جس کے بعد وفاقی اور صوبائی ادارے راستے میں رکاوٹ نہیں ڈالیں گے۔
