وزیر دفاع خواجہ آصف نے کہا کہ بانی پی ٹی آئی عمران خان کا اصل چہرہ عوام کے سامنے آگیا ہے، ماضی میں بھی احتجاج ہوئے لیکن کسی نے پاکستانیت کو چیلنج نہیں کیا۔ افغانوں کی فوج بنا کر مسلح ہو کر اسلام آباد پر حملہ آور ہونے کی کوشش کررہے ہیں۔
وزیر دفاع خواجہ آصف نے پریس کانفرنس کرتے ہوئے کہا کہ بھارتی وزیر خارجہ کو پی ٹی آئی نے احتجاج میں شرکت کی دعوت کیوں دی ہے؟ جے شنکر کو اسلام آباد میں دھرنے کی دعوت دینے کے بجائے پی ٹی آئی والے دہلی میں جاکر جلسہ کرلیں، مودی کو بلا لیں۔
مزید پڑھیں: پی ٹی آئی نے بھارتی وزیر خارجہ کو احتجاج میں شرکت اور خطاب کی دعوت دیدی
خواجہ آصف نے کہا کہ مسلح جتھے ملکی وقار کو نشانہ بنانے کے درپے ہیں، افغان باشندے بھی اس جتھے کا حصہ ہیں۔ علی امین گنڈا پور خیبر پختونخوا کے سرکاری وسائل کا استعمال کررہے ہیں۔ 2014میں بھی اسلام آباد پر مسلح حملہ کیا گیا۔
’ایک صوبے کا وزیراعلیٰ دوسرے صوبے پر مسلح حملہ کررہا ہے‘۔
خواجہ آصف نے کہا کہ عالمی سطح پر مؤثر کردار اور مقام کے لیے پاکستان نے اہم کاوشیں کی ہیں، مسلح جتھے ملکی وقار کو نشانہ بنانے کے درپے ہیں۔ اس سلسلے میں سرحد پار افغانستان سے مدد لی گئی ہے۔ پی ٹی آئی لاشیں لے کر جانا چاہتی ہے۔
’سرکاری وسائل کا استعمال ملک کے خلاف بغاوت ہے‘۔
یہ بھی پڑھیں: شنگھائی تعاون تنظیم کا سربراہی اجلاس پاکستان میں، 12 ممالک کے سربراہ آئیں گے، عطا تارڑ
انہوں نے کہا کہ ایس سی او سربراہان کی آمد سے پاکستان دنیا کے سیاسی نقشے پر نظر آ رہا ہے، ایس سی او سمٹ کی اہمیت اقوام متحدہ سے بھی زیادہ ہوجائے گی۔ فلسطین پر جاری خون ریزی پر اقوام متحدہ کوئی کردار ادا نہیں کرسکا۔
