پاکستان کرکٹ ٹیم میں انگلینڈ کے خلاف 15 اکتوبر سے ملتان میں شروع ہونے والے دوسرے ٹیسٹ میچ کے لیے تبدیلیوں کا امکان ہے۔
یہ بھی پڑھیں: ملتان ٹیسٹ، انگلینڈ نے پاکستان کو اننگز اور 47 رنز سے شکست دے دی
قومی مینز کرکٹ ٹیم کی سلیکشن کمیٹی کا جمعے کو اجلاس ہوا جس میں طے کیا گیا کہ کمیٹی ہفتے کے روز ملتان کا دورہ کرکے ہیڈ کیوریٹر، ہیڈ کوچ اور قومی ٹیم کے کپتان سے ملاقات کرے گی۔
اس ملاقات کے بعد انگلینڈ کے خلاف دوسرے ٹیسٹ میچ کے لیے قومی اسکواڈ فائنل کیا جائے گا۔
مزید پڑھیے: انگلینڈ کے خلاف صرف شکست نہیں، ذلت اور رسوائی بھی ہوئی ہے
یاد رہے کہ پاکستان کی ٹیم کو 3 ٹیسٹ کی سیریز کے پہلے میچ میں انگلینڈ کے خلاف ایک اننگز اور 47 رنز سے شکست کا سامنا کرنا پڑا ہے۔
قومی ٹیم اور مہمان انگلینڈ کے درمیان دوسرا ٹیسٹ 15 اکتوبر سے ملتان میں ہی شروع ہوگا جبکہ سیریز کا تیسرا اور فائنل میچ 24 اکتوبر کو راولپنڈی میں شیڈول ہے۔
مزید پڑھیں: شان مسعود بطور کپتان ابتدائی 6 میچ ہارنے والے واحد کپتان، ملتان ٹیسٹ میں مزید کیا ریکارڈ بنے؟
دیرں اثنا کہا جا رہا ہے کہ بیٹسمین امام الحق اور کامران غلام کو پاکستانی اسکواڈ میں شامل کیے جانے کا امکان ہے۔ کامران نے پاکستان کے لیے اب تک صرف ایک ون ڈے کھیلا ہے تاہم انہوں نے ابھی ٹیسٹ میچ میں ڈیبیو نہیں کیا ہے۔
Members of the men's national selection committee met at the NCA on Friday afternoon. They will travel to Multan on Saturday to meet the head curator, captain and head coach, after which they will finalise the squad for the second Test. pic.twitter.com/egoIOmDPWh
— Pakistan Cricket (@TheRealPCB) October 11, 2024
علاوہ ازیں بائیں ہاتھ سے اسپن کرنے والے بولر نعمان علی کو بھی واپس بلا سکتا ہے کیونکہ ابرار احمد پہلے ٹیسٹ کے دوران بیمار ہوگئے جس کے بعد دوسرے ٹیسٹ میں ان کی شرکت مشکوک ہے۔ نعمان نے اپنے 15 میں سے آخری ٹیسٹ گزشتہ سال جولائی میں سری لنکا کے خلاف کھیلا تھا۔
