ایرانی پاسداران انقلاب کی قدس فورس کے کمانڈر اسماعیل قاآنی بالا آخر منظرعام پر آگئے۔
ایرانی سرکاری ٹیلی وژن کے مطابق، اسماعیل قاآنی کو تہران کے مہرآباد ایئرپورٹ پر ایرانی پاسداران انقلاب کی قدس فورس کے بریگیڈیئر جنرل عباس نیلفروشان کا جسد خاکی وصول کرنے کے حوالے سے منعقدہ تقریب میں دیکھا گیا ہے۔
یہ بھی پڑھیں: ایرانی قدس فورس کے سربراہ اسماعیل قاآنی کہاں غائب ہیں؟
ایرانی ٹیلی وژن کے مطابق، فوٹیج میں اسماعیل قاآنی کو بیروت میں اسرائیلی حملے میں جاں بحق ہونے والے بریگیڈیئر جنرل عباس نیلفروشان کی الم ناک موت پر روتے ہوئے دیکھا گیا ہے۔
⚡️ Iranian television broadcasts live footage showing the commander of the Quds Force in the IRGC, Esmail Qaani, along with other officials receiving the body of Abbas Nilforoushan at Mehrabad Airport in Tehran. pic.twitter.com/ssQVlVc9yD
— Warfare Analysis (@warfareanalysis) October 15, 2024
چند روز قبل، ایرانی پاسداران انقلاب گارڈز کی جانب سے اپنے نائب کمانڈر عباس نیلفروشان کا جسد خاکی ملنے کی تصدیق کردی گئی تھی۔ ایرانی پاسداران انقلاب کا کہنا تھا کہ قدس فورس کے لیڈر عباس نیلفروشان لبنان میں آپریشنز کے ڈپٹی کمانڈر تھے۔
یہ بھی پڑھیں: اسرائیل نے حملہ کیا تو دشمن کو دھول میں اڑا دیں گے، ایران نے جوابی دھمکی دیدی
واضح رہے کہ اسماعیل قاآنی 27 ستمبر کو بیروت میں اسرائیلی فضائی حملے میں حزب اللہ سربراہ کی شہادت کے بعد سے غائب تھے اور ان سے رابطہ قائم نہ ہونے اور اس حملے میں جاں بحق ہونے کی اطلاعات گردش کررہی تھیں۔
اسماعیل قاآنی سے قبل قاسم سلیمانی ایرانی پاسداران انقلاب کے سربراہ تھے جنہیں امریکا نے 2020 میں ڈرون حملے میں شہید کردیا تھا۔ حملے کے وقت وہ عراق میں موجود تھے۔
