پی سی بی کے ساتھ اختلافات کے باعث پاکستان کی وائٹ بال ٹیم کے ہیڈ کوچ گیری کرسٹن نے اپنے عہدے سے استعفیٰ دے دیا ہے۔
گیری کرسٹن کے استعفیٰ کے بعد سوشل میڈیا صارفین کی جانب سے اس پر مختلف ردعمل کا اظہار کیا جا رہا ہے۔ ایک صارف نے کہا کہ یہ پاکستان کے لیے کتنی شرمندگی کی بات ہے کیونکہ گیری کرسٹن دنیا کے بہترن کوچوں میں سے ایک تھے انہوں نے سابق ٹیسٹ کرکٹر عاقب جاوید کو آڑے ہاتھوں لیتے ہوئے کہا کہ انا اور طاقت کی بھوک میں وہ کرکٹ کے لیے حالات خراب کر رہے ہیں۔
What an embarrassment for everyone. Gary Kirsten was one of the best coaches in the world but the ego and power hunger of @AJavedOfficial are just making things worse for Pakistan cricket atm after winning just 2 games . Peak clownery from the worst board in the world pic.twitter.com/AHK8bfzlDx
— Hassan Abbasian (@HassanAbbasian) October 28, 2024
رچرڈ نامی صارف نے دو تصاویر میں کرکٹ کا موازنہ کیا ایک تصویر میں گیری کرسٹن 2011 کا ورلڈ کپ جیتنے کے بعد سریش رائنا اور ویرات کوہلی کے کندھوں پر بیٹھے ہوئے ہیں جبکہ دوسری طرف ان کا کہنا تھا کہ انہوں نے پاکستان کے ساتھ اپریل میں 2 سالہ معاہدہ کیا تھا لیکن 6 ماہ بعد ہی وہ اس ذمہ داری سے دستبردار ہو گئے۔ انہوں نے پاکستان کی کرکٹ کا مقابلہ ہندوستان کرکٹ سے کرتے ہوئے کہا کہ یہ دو تصاویر 2 ممالک میں کرکٹ کی تعریف کرتی ہیں۔
2 Photos that Defines Cricket in 2 nation 🇵🇰 🆚 🇮🇳
🚨 Gary Kirsten, who signed a two-year contract in April with PCB, has stepped down barely six months into the role
🚨 Gary Kirsten, on the Shoulders of Suresh Raina and Virat Kohli after winning 2011 World Cup#GaryKirsten pic.twitter.com/YPcV8V7WGX
— Richard Kettleborough (@RichKettle07) October 28, 2024
سپورٹس جرنلسٹ ارفع فیروز لکھتے ہیں کہ گیری کرسٹن پاکستان کرکٹ ٹیم کے ساتھ کام کرنے کے لیے پرعزم تھے۔ وہ پی سی بی کے ساتھ پیشہ ورانہ انداز میں کام کرنا چاہتے تھے تاہم پی سی بی ان وعدوں سے پیچھے ہٹ گیا جس سے گیری کرسٹن کو تکلیف ہوئی۔ ان کا مزید کہنا تھا کہ پی سی بی نے گیری کو ہیڈ کوچ کے عہدے سے مستعفی ہونے پر مجبور کر دیا۔
🚨 INSIDE STORY – Gary Kirsten was fully committed with Pakistan Cricket Team. He wanted to work with PCB but in a professional way. However PCB backed off from commitments which hurt Gary. PCB in other words has forced Gary to resign from headcoach. #GaryKirsten 11/n
— Arfa Feroz Zake (@ArfaSays_) October 28, 2024
انڈین سپورٹس جرنلسٹ وکرانت گپتا نے لکھا کہ گیری کرسٹن نے صرف 6 ماہ بعد اس کام سے استعفیٰ دے دیا۔ کیا گجرات ٹائٹنز آئی پی ایل کے اگلے سیزن میں انہیں بطور کوچ واپس لیں گے؟
Gary Kirsten has resigned as Pakistan coach – barely 6 months into the job.
Will Gujarat Titans still be interested in taking him back for the next IPL season???— Vikrant Gupta (@vikrantgupta73) October 28, 2024
گیری کرسٹن نے ورلڈ کپ ٹی ٹوئنٹی 2024 سے 10 روز قبل قومی ٹیم کو امریکا میں جوائن کیا تھا لیکن گیری کرسٹن اختیارات محدود کیے جانے پر ناخوش تھے۔ سلیکٹرز کو 15 رکنی ٹیم اور پلیئنگ الیون کا اختیار سونپنے اور اس کا کھل کر اظہار انہوں نے بورڈ کے اعلیٰ حکام سے بھی کیا تھا۔ واضح رہے کہ نئی سلیکشن کمیٹی کے بعد کپتان اور کوچ کے اختیارت محدود کر دیے گئے تھے۔
پاکستان کرکٹ بورڈ نے پاکستانی کرکٹ ٹیم کے وائٹ بال کوچ گیری کرسٹن کے استعفے کا اعلان کرتے ہوئے ٹیسٹ ٹیم کوچ جیسن گلیسپی کو دورہ آسٹریلیا کے لیے کوچ مقرر کردیا گیا ہے۔
