حالیہ قبل از وقت انتخابات میں جاپان کی حکمران لبرل ڈیموکریٹک پارٹی کی زیرقیادت برسر اقتدار اتحاد پارلیمنٹ میں اپنی اکثریت کھو چکا ہے، انتخابی نتائج ایک دہائی کے دوران اس کی بدترین کارکردگی کی صورت میں سامنے آیا ہے۔
قبل از وقت پارلیمانی انتخابات میں حکمران اتحاد گزشتہ انتخابات کے مقابلے میں 98 سیٹیں زیادہ حاصل کرنے کے باوجود حکومت بنانے کے لیے درکار مطلوبہ نشستیں حاصل نہیں کر سکا ہے، جاپان میں حکومت قائم کرنے کے لیے ایوان زیریں کی 465 میں سے 233 نشستیں درکار ہوتی ہیں۔
یہ بھی پڑھیں:جاپانی تنظیم نیہون ہیدانکیو نے امن کا نوبل انعام اپنے نام کرلیا
میڈیا رپورٹس کے مطابق ملک میں قبل ازوقت ہونے والے پارلیمانی انتخابات میں کوئی جماعت اکثریت حاصل نہیں کر سکی اور 15 برس میں پہلی بار جاپان کی حکمران جماعت لبرل ڈیموکریٹک پارٹی ایوان زیریں میں اکثریت کھو بیٹھی ہے۔
دوسری جانب انتخابی نتائج کے مطابق اپوزیشن کی کانسٹیٹیوشنل ڈیموکریٹک پارٹی آف جاپان نے 148 نشستیں حاصل کی ہیں، پچھلے انتخابات کانسٹیٹیوشنل ڈیموکریٹک پارٹی آف جاپان نے 58 نشستیں حاصل کی تھیں۔
مزید پڑھیں:جاپان کے ہوائی اڈے پر امریکی بم پھٹنے سے زور دار دھماکا، انٹرنیشنل پروازیں منسوخ
لبرل ڈیموکریٹک پارٹی اور اس کے بہت چھوٹے اتحادی ساتھی کومیتو نے مل کر 215 نشستیں حاصل کی ہیں، جو حکومت سازی کے لیے درکار 233 نشستوں کی اکثریت سے کم ہیں، پارٹی کے نئے رہنما شیگیرو ایشیبا نے کہا کہ اس مرحلے پر اتحاد کو وسعت دینے کا کوئی منصوبہ نہیں ہے۔
شیگیرو ایشیبا، جنہوں نے وزیر اعظم کے طور پر حلف اٹھانے سے چند دن پہلے الیکشن کا اعلان کیا، نے ایل ڈی پی کی پارلیمانی اکثریت سے محرومی کے باوجود عہدے پر رہنے کا عزم ظاہر کیا ہے۔ ’ووٹرز نے ہمیں ایک سخت فیصلہ دیا ہے اور ہمیں عاجزی کے ساتھ اس نتیجے کو قبول کرنا ہوگا۔‘
