جماعت اسلامی نے بھی 26ویں آئینی ترمیم کو سپریم کورٹ میں چیلنج کردیا ہے۔
آئینی ترمیم امیر کے خلاف درخواست جماعت اسلامی حافظ نعیم الرحمان نے وکیل عمران شفیق کے ذریعے دائر کی ہے۔ درخواست میں 26ویں آئینی ترمیم کو کالعدم قرار دینے کی استدعا کی گئی ہے۔
یہ بھی پڑھیں: بیرسٹر عابد زبیری نے بھی 26ویں آئینی ترمیم کیخلاف سپریم کورٹ سے رجوع کرلیا
درخواست میں استدعا کی گئی ہے کہ قرار دیا جائے کہ چیف جسٹس آف پاکستان کا تقرر سینیارٹی کے مطابق ہوگا، پارلیمانی کمیٹی کی جانب سے چیف جسٹس کا تقرر کالعدم قرار دیا جائے اور نئے جوڈیشل کمیشن کی تشکیل بھی معطل کی جائے۔
JIP 26th Amendment Imran Sh… by Syed Awad
درخواست میں مؤقف اختیار کیا گیا ہے کہ 26ویں آئینی ترمیم بنیادی حقوق، بنیادی آئینی ڈھانچے اور متعدد آئینی شقوں کے خلاف ہے۔ درخواست میں وفاق سمیت چاروں صوبوں کو فریق بنایا گیا ہے۔
یہ بھی پڑھیں: سپریم کورٹ: لاہور ہائیکورٹ بار ایسوسی ایشن نے 26ویں آئینی ترمیم کو چیلنج کردیا
واضح رہے کہ 21 اکتوبر کو آئین کا حصہ بننے والی 26ویں ترمیم کو اگلے ہی روز سپریم کورٹ میں چیلنج کردیا گیا تھا۔ آئینی ترمیم کے خلاف اب تک بلوچستان بار کونسل، بلوچستان ہائیکورٹ بار کونسل اور لاہور ہائیکورٹ بار ایسوسی ایشن کے علاوہ سابق صدر سپریم کورٹ بار ایسوسی ایشن عابد زبیری سمیت 6 وکلا کی جانب سے درخواستیں دائر کی گئی ہیں۔
