معروف سوشل میڈیا ویب سائیٹ یوٹیوب نے اپنے کریٹیرز کے لیے لائیو اسٹریمنگ کی دنیا میں ایک نیا اور دلچسپ فیچر متعارف کرایا ہے جس کا نام جیولز (Jewels) ہے۔ یہ فیچر خاص طور پر ورٹیکل لائیو اسٹریمز کے دوران کریٹیرز کو مزید آمدنی کے مواقع فراہم کرنے کے لیے ڈیزائن کیا گیا ہے۔
جیولز ایک نئی ڈیجیٹل کرنسی ہے، جسے یوٹیوب لائیو اسٹریمنگ کے دوران ویوئرز اپنے پسندیدہ کریٹیرز کو گفٹ کے طور پر بھیج سکیں گے۔ یہ کرنسی یوٹیوب پر لائیو ویڈیوز یا ورٹیکل اسٹریمنگ کے دوران مالی مدد یا انعام کی شکل میں استعمال کی جائے گی۔
نئے فیچر کے ذریعے کریٹیرز کو لائیو سیشنز میں شامل ویوئرز سے گفٹس کی صورت میں آمدنی حاصل کرنے کا موقع ملے گا۔ ویوئرز اپنی پسند کے تخلیق کار کو جیولز بھیج کر ان کی محنت کی قدر کرسکتے ہیں۔ اس طرح ویوئرز اور کریٹیرز کے درمیان تعلق مزید مضبوط ہوگا۔
مزید پڑھیں:یوٹیوب پریمیم کیا ہے، صارفین کیا شکایت کررہے ہیں؟
یوٹیوب کا یہ فیچر خاص طور پر ورٹیکل ویڈیوز اور لائیو اسٹریمنگ کے لیے ڈیزائن کیا گیا ہے، جو موبائل ڈیوائسز پر زیادہ دیکھے جاتے ہیں۔ اس سے یوٹیوب کی کوشش ہے کہ وہ موبائل پلیٹ فارم پر کریٹیرز کو زیادہ مواقع دے اور ویوئرز کو زیادہ انٹرایکشن کا موقع فراہم کرے۔ نیا فیچر یوٹیوب کو دیگر پلیٹ فارمز کے ساتھ مقابلہ کرنے کے قابل بناتا ہے،جیسے ٹک ٹاک یا ٹوئچ، جہاں گفٹس یا ورچوئل کرنسیز کا استعمال عام ہے۔
ویوئرز پسندیدہ کریٹیرز کو جیولز گفٹ کے طور پر بھیج سکتے ہیں، انہیں روبیز کے ذریعے انعام ملے گا۔ ایک روبیز کے بدلے تخلیق کار کو ایک امریکی سینٹ ملے گا، یعنی کہ 100 روبیز کے بدلے ایک ڈالر ملے گا۔ یوٹیوب نے اس نئے فیچر کو مزید کشش بنانے کے لیے اگلے 3 ماہ تک اہل کریٹیرز کو جیولز سے ہونے والی آمدنی پر 50 فیصد بونس دینے کا اعلان کیا ہے۔
یوٹیوب نے فیچر کو فی الحال امریکا میں پائلٹ پروجیکٹ کے طور پر شروع کیا ہے اور امید ہے کہ مستقبل میں یہ تمام یوٹیوب کریٹیرز کے لیے دستیاب ہوگا۔ یوٹیوب کے مطابق، جیولز کو استعمال کرنے کی اجازت صرف ان کریٹیرز کو دی جائے گی جو یوٹیوب کے لائیو اسٹریمنگ کے معیار پر پورا اُترتے ہوں۔
