ایف ڈبلیو او کی انتھک کاوشوں کی بدولت قراقرم ہائی وے سردیوں میں بھی بحال کر دی گئی ہے۔ قبل ازیں پاکستان اور چائنا کو زمینی راستے سے ملانے والی شاہراہ قراقرم دسمبر سے مارچ تک بند رہتی تھی۔
یہ بھی پڑھیں:تاجروں کا دھرنا ختم ، پاک چین سی پیک روڈ 17 دن بعد ٹریفک کے لیے بحال
2024 میں دونوں ممالک کی حکومتوں نے سیاحت اور تجارت کے فروغ کے باعث قراقرم ہائی وے کو سال بھر کھلا رکھنے کا فیصلہ کیا۔
دنیا کی اس بلند ترین شاہراہ کو شدید برفانی موسم میں ٹریفک کے لیے کھلا رکھنے کی ذمہ داری ایف ڈبلیو او کو دی گئی تھی۔ ایف ڈبلیو او کی ٹیمیں قراقرم ہائی وے کو برفانی موسم سمیت سال بھر کھلا رکھنے کے لیے مصروف عمل ہیں۔
مکینیکل سنو کلیئرنس کے ساتھ ساتھ مسافروں کی سہولت کے لیے ایف ڈبلیو نے مختلف مقامات پر ضروری میڈیکل سینٹر اور ریکوری کا بھی بندوبست کر رکھا ہے۔
ایف ڈبلیو او کی کاوشوں کی بدولت قراقرم ہائی وے اب سال بھر ہر طرح کی ٹریفک کے لیے کھلی رہے گی۔ روڈ کھلے رہنے کی بدولت پاک چائنا سیاحت اور تجارت میں نمایاں اضافہ ہوگا
