کراچی چڑیا گھر میں موجود پہلے سے بیمار ہتھنی ’نور جہاں‘ کنکریٹ سے بنے خشک تالاب میں گر گئی، چڑیا گھر حکام کے مطابق ہتھنی کو کرین کے ذریعے نکالا گیا ہے لیکن اس کی حالت تشویشناک ہے۔ ہتھنی نور جہاں کو پچھلی ٹانگوں میں درد کے باعث اٹھنے میں مشکلات ہیں۔
چڑیا گھر کی انتظامیہ کا دعویٰ ہے کہ غیرملکی ماہرین کی ٹیم ہتھنی کے علاج کے لیے چڑیا گھر میں موجود ہے، ہتھنی کا چڑیا گھر کے اندر ہی بہترین علاج جا ری ہے۔
Today noor jehan fell into a concrete pool. The zoo didnt have equipment to lift her up. She is badly injured and lifeless. The recommendations by @four_paws_international for her comfort and diet were not followed. She’s dying a premature death because of @sindhgovernment pic.twitter.com/dAIyacvZ8N
— JFK Animal Rescue And Shelter (@jfkshelter) April 13, 2023
دوسری جانب جانوروں کے حقوق کے لیے کام کرنے والی ایک نجی تنظیم نے سماجی رابطہ کی ویب سائٹ پر ہتھنی کی تالاب میں گرنے کے بعد کی ویڈیو شیئر کرتے ہوئے لکھا ہے کہ ہتھنی نور جہاں کنکریٹ کے خشک تالاب میں گر گئی ہے، چڑیا گھر انتظامیہ کے پاس اسے اٹھانے کا سامان نہیں ہے، وہ بری طرح زخمی اور بے جان ہے۔ انتظامیہ اور سندھ حکومت بین الاقوامی تنظیم برائے حیوانات کے قوانین پر عمل درآمد نہیں کر رہی جس کی وجہ سے وہ قبل از وقت موت کا شکار ہو رہی ہے۔
واضح رہے کہ ہتھنی نور جہاں پہلے بھی جسم کے مختلف اعضا میں سوجن کا شکار تھی اور کراچی چڑیا گھر میں ہی اس کا علاج جاری تھا۔
