وزیر اعظم کے مشیر ملک احمد خان کا کہنا ہے کہ ججزکی طاقت اور فیصلوں کی وجہ سے ملک کو بہت نقصان ہوا۔
الحمرا ہال لاہور میں منعقدہ تھنک فیسٹ کے آخری روز کے دوسرے سیشن کا موضوع تھا’ ہمارے سیاستدان پاکستان کا اصل مسئلہ ہیں ‘ جس سے مختلف سیاستدانوں نے خطاب کیا ۔
دوران خطاب وزیراعظم کے مشیر ملک احمد خان نے کہا کہ ہمیں گرینڈنیشنل ڈائیلاگ کی ضرورت ہے ، ملٹری حکام اور ججز بھی ساتھ بیٹھیں، سیاست دان ووٹ لے کر پارلیمان میں بیٹھتے ہیں اس لیے ان کی ذمہ داری زیادہ ہوتی ہے، دیگر ذمہ داروں کو کوئی نہیں پوچھتا۔
انہوں نےکہا کہ پہلے باجوہ صاحب سے میراشکوہ تھا اب عمران خان کا ہے۔
