وزیراعلیٰ بلوچستان میر سرفراز بگٹی نے زکوٰۃ کا محکمہ ختم کرنے کا اعلان کردیا۔
یہ بھی پڑھیں بلوچستان کے سرکاری افسران زکوٰۃ کی رقم ڈکار گئے، آڈٹ جنرل کی رپورٹ میں انکشاف
سرفراز بگٹی نے کہاکہ بلوچستان کے زکوٰۃ مستحقین کو محکمے کی جانب سے سالانہ 30 کروڑ روپے تقسیم کیے جاتے ہیں، جبکہ محکمے پر سالانہ ایک ارب 60 کروڑ روپے خرچ آتا ہے۔
وزیراعلیٰ نے کہاکہ محکمہ زکوٰۃ کے پاس 30 کروڑ روپے تقسیم کرنے کے لیے 80 گاڑیاں ہیں، اور گزشتہ 2 برس سے مستحقین میں زکوٰۃ کی رقم تقسیم بھی نہیں کی گئی۔
سرفراز بگٹی نے کہاکہ ہم ڈپٹی کمشنرز کے ذریعے مستحقین زکوٰۃ کو رقم تقسیم کرائیں گے۔
یہ بھی پڑھیں زکوٰۃ اور صدقات کا حقدار کون ہے؟ کیا آپ زکوٰۃ کی رقم سے لوگوں کو سحر و افطار کرا سکتے ہیں؟
واضح رہے کہ اس سے قبل آزاد کشمیر کے وزیراعظم چوہدری انوارالحق بھی چیئرمین زکوٰۃ سمیت دیگر عہدیداروں کی تنخواہیں و مراعات ختم کرنے کا اعلان کرچکے ہیں۔
