بلوچستان کے ضلع پشین کے علاقے خنائی بابا میں سی ٹی ڈی نے 9 دہشتگردوں کو ہلاک کردیا ہے۔
یہ بھی پڑھیں: پشین اور ژوب میں آپریشن، 2 خوارجی ہلاک 5 گرفتار: آئی ایس پی آر
ترجمان سی ٹی ڈی کے مطابق پشین کے علاقے خنائی بابا میں دہشتگردوں کے خلاف کارروائی کے دوران فائرنگ کے تبادلے میں 9 مبینہ دہشت گرد ہلاک ہوئے ہیں۔
یہ بھی پڑھیں: پشین : سی ٹی ڈی کی کارروائی، 5 دہشتگرد ہلاک
ہلاک دہشتگردوں سے اسلحہ وگولہ بارود برآمد ہوا ہے، ہلاک دہشتگرد شرپسندی کی مختلف کارروائیوں میں ملوث تھے۔
وزیر اعلیٰ بلوچستان میر سرفراز بگٹی کا سی ٹی ڈی کی کامیاب کارروائی پر اظہار اطمینان
وزیر اعلیٰ بلوچستان میر سرفراز بگٹی نے سی ٹی ڈی کی کامیاب کارروائی پر اظہار اطمینان کرتے ہوئے کہا ہے کہ خفیہ معلومات پر مبنی آپریشن سے ایک بڑا سانحہ روکا گیا، قانون نافذ کرنے والے ادارے دہشت گردی کے مکمل خاتمے تک سرگرم رہیں گے۔
سرفراز بگٹی کا کہنا ہے کہ امن دشمنوں کے عزائم کبھی کامیاب نہیں ہونے دیں گے، قانون نافذ کرنے والے اداروں کو مکمل تعاون فراہم کیا جا رہا ہے، بلوچستان کے امن و استحکام کے لیے حکومت پرعزم ہے۔
