مسلم لیگ ن کے سربراہ اور سابق وزیر اعظم میاں محمد نواز شریف نے صحافیوں سے گفتگو کرتے ہوئے کہا کہ ان کی جماعت ملک کی تعمیر کررہی ہے۔
ان کا کہنا تھا کہ پچھلی پارٹی نے ملک کا جو حال کیا تھا کہ اب ہم بتدریج بہتر بنا رہے ہیں، سب کچھ استحکام کی طرف لوٹ رہا ہے، معیشت اور ملک کے حالات بہتر ہورہے ہیں، لوگ کام کو ووٹ دیتے ہیں، سیاست کے ساتھ ساتھ کام بھی ہونا چاہیے۔
یہ بھی پڑھیے: جنگ کے بعد نواز شریف جاتی عمرہ میں کیا کر رہے ہیں؟
انہوں نے دعویٰ کیا کہ ملک کی تعمیر میں جو کردار مسلم لیگ ن کا ہے وہ شاید کسی اور پارٹی کا ہو۔
نواز شریف کا کہنا تھا کہ ہمارا کردار صرف موٹر ویز، معیشت، ڈیمز اور بجلی کے پلانٹس تک نہیں ہیں حالانکہ ہمارے زمانے میں 4 سال روپیہ مستحکم رہا ہے، مسلم لیگ ن کو یہ کریڈٹ جاتا ہے کہ پاکستان کو ایٹمی قوت بنایا، چین کے ساتھ مل کر جے ایف 17 طیارہ پاکستان میں بنایا۔ مسلم لیگ ن نے ہی پاکستان کو میزائل ٹیکنالوجی دی۔
یہ بھی پڑھیے: یوم تکبیر پر محمد نواز شریف اور وزیراعلیٰ مریم نواز کی طرف سے قوم کو مبارکباد اور پیغامات
انہوں نے کہا کہ مسلم لیگ ن کا ملک کے ہر شعبے میں کردار ہے، ہمیں اللہ کا من حیث القوم شکر ادا کرنا چاہیے اور قوم بتانا چاہیے کہ ملک کے لیے کس نے کیا کیا ہے۔
