آئی ایس پی آر کے مطابق شمالی وزیرستان کے علاقے ضلع دردونی میں سیکیورٹی فورسز اور دہشتگردوں کے درمیان جھڑپ میں 6 فوجی جوان شہید اور 3 دہشتگرد ہلاک ہو گئے جبکہ دو دہشتگرد زخمی ہوئے ہیں۔
آئی ایس پی آر نے بتایا کہ دہشتگردوں نے دردونی کے علاقے میں سیکیورٹی فورسز پر حملہ کیا، جس کے نتیجے میں 6 جوان شہید ہوئے. شہادت پانے والوں میں حوالدار سلیم خان، نائیک جاوید اقبال، سپاہی نذیر خان، سپاہی حضرت بلال، سپاہی سید رجب حسین اور سپاہی بسم اللہ جان شامل ہیں۔
’سیکیورٹی فورسز نے بھرپور جوابی فائرنگ کرتے ہوئے 3 دہشتگردوں کو جہنم واصل کیا اور دو دہشتگرد زخمی ہوئے۔‘
آئی ایس پی آر کے مطابق سیکورٹی فورسز کی جانب سے دہشت گردوں کے ٹھکانوں کو ختم کرنے کے لیے سرچ آپریشن جاری ہے، پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں۔
پاک فوج کا کہنا ہے کہ ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
