کراچی کی عدالت نے نوجوان کو تشدد کا نشانہ بنانے کے کیس میں ملزم سلمان فاروقی کی درخواست ضمانت پر فریقین کو نوٹسز جاری کردیے۔
یہ بھی پڑھیں ’ان کو نشانِ عبرت بنانا چاہیے‘، عدالت پیشی کے موقع سلمان فاروقی کی پٹائی ہو گئی
عدالت نے پولیس اور پراسیکیوٹر کو 5 جون کے لیے نوٹسز جاری کیے ہیں۔
اس وقت ملزم سلمان فاروقی اور اویس ہاشمی جسمانی ریمانڈ پر پولیس کی حراست میں ہیں، دونوں کو کل ریمانڈ مکمل ہونے پر عدالت میں پیش کیا جائےگا۔
واضح رہے کہ مقامی کمپنی کے سربراہ سلمان فاروقی نے نوجوان کو تشدد کا نشانہ بنایا تھا، جس کے بعد ویڈیو سوشل میڈیا پر وائرل ہونے کے بعد ملزمان کو گرفتار کیا گیا۔
یہ بھی پڑھیں بہنوں کے سامنے نوجوان پرتشدد کرنیوالا ملزم سلمان فاروقی گرفتار، ’یہ بس ایک فوٹو سیشن ہے‘
سلمان فاروقی کو جب گزشتہ روز عدالت میں پیش کیا گیا تو اس دوران ایک وکیل نے انہیں تھپڑ رسید کردیا تھا۔
