ایران کی فضائی دفاعی فورسز نے گزشتہ 24 گھنٹوں کے دوران 28 دشمن ڈرون مار گرائے، جن میں اسرائیل کا جدید جاسوس ڈرون ’ہرمس‘ بھی شامل ہے۔
یہ بھی پڑھیں:ایرانی میزائلوں کو روکنے والے دفاعی میزائل ختم ہونے کے قریب، اسرائیلی پریشان
بدھ کے روز ایرانی فوج نے بتایا کہ یہ ڈرون ایران کے وسطی صوبے اصفہان میں حساس مقامات کی نگرانی کرنے کی کوشش کر رہا تھا۔ لیکن اسے ایرانی فضائی دفاعی نظام نے بروقت پہچان کر میزائل سے تباہ کر دیا۔
اسرائیلی حکام نے بھی اس بات کی تصدیق کی ہے کہ ان کا ہرمس ڈرون ایران میں گرایا گیا ہے۔
یہ بھی پڑھیں:اسرائیل کی بے بسی بڑھنے لگی، ایرانی جوہری تنصیبات کو تباہ کرنے کے لیے صلاحیتیں ناکافی
اس ڈرون کو اسرائیلی کمپنی ’ایلبٹ سسٹمز‘ نے تیار کیا ہے اور اسے ’کوکاو‘ یعنی ستارہ کے نام سے بھی جانا جاتا ہے۔ یہ ڈرون طویل وقت تک فضا میں رہ کر جاسوسی اور نگرانی جیسے کام انجام دیتا ہے، اور اس کی مالیت تقریباً ایک کروڑ ڈالر (10 ملین) ہے۔
