جنوبی غزہ کے علاقے خان یونس میں ایک مبینہ حادثاتی دھماکے کے نتیجے میں اسرائیلی ڈیفنس فورس کا ایک افسر ہلاک ہوگیا۔
یہ بھی پڑھیں:ایران کا اسرائیل کے خلاف ’آپریشن وعدہ صادق سوم‘ جاری، میزائل حملوں میں 4 اسرائیلی ہلاک
جاں بحق افسر کی شناخت 21 سالہ کپتان رئی بیران کے طور پر کی گئی ہے، جو گولانی بریگیڈ کی ریکی یونٹ کز ٹیم کمانڈر اور شوراشیم کا رہائشی تھا۔
اسرائیلی میڈیا کے مطابق یہ واقعہ خان یونس میں جاری ایک کارروائی کے دوران پیش آیا۔
ادھر مغربی کنارے کے علاقے گوش ایٹزیون جنکشن میں ہونے والے حملے کے بعد اسرائیلی آرمی چیف لیفٹیننٹ جنرل ایال زامیر نے جائے وقوعہ کا دورہ کیا۔
حملے میں ایک اسرائیلی شہری شالیو زولونی ہلاک ہوا، جسے 2 فلسطینی حملہ آوروں نے نشانہ بنایا۔ بعد ازاں دونوں حملہ آوروں کو سیکیورٹی فورسز نے گولی مار کر ہلاک کر دیا۔
دورے کے دوران جنرل زامیر نے سینٹرل کمانڈ کے سربراہ میجر جنرل آوی بلوتھ اور ویسٹ بینک ڈویژن کے کمانڈر بریگیڈیئر جنرل یاگی ڈولف کے ہمراہ سیکیورٹی صورتحال کا جائزہ لیا۔
