گلگت بلتستان کے ضلع اسکردو سے تعلق رکھنے والی نیشنل کالج آف آرٹس (این سی اے) کی گریجویٹ نورین جہاں نے فائن آرٹس میں تعلیم حاصل کرنے کے بعد تدریس کے شعبے میں خدمات انجام دیں۔
آج کل وہ پلاسٹک ویسٹ کو تخلیقی انداز میں استعمال کرتے ہوئے نہ صرف فن پارے تیار کررہی ہیں بلکہ ماحولیاتی تحفظ کا پیغام بھی عام کررہی ہیں۔
نورین نے اسکردو کی گلیوں، بازاروں اور گھروں سے پھینکا گیا پلاسٹک جمع کرکے اسے خوبصورت سجاوٹی اشیا میں ڈھال دیا ہے۔ ان کے فن پارے نہ صرف گھروں کی زینت بن رہے ہیں بلکہ لوگوں کو اس بات کا شعور بھی دے رہے ہیں کہ پلاسٹک کو ضائع کرنے کے بجائے مؤثر انداز میں قابلِ استعمال بنایا جا سکتا ہے۔
نورین کا یہ تخلیقی سفر ماحولیاتی تبدیلی کے خلاف ایک پُرامن، بامقصد اور بامعنی مزاحمت ہے۔ مزید جانیے ذاکر بلتستانی کی اس ویڈیو رپورٹ میں۔
