بھارت پھر دھول چاٹنے پر مجبور، پاکستانی خالد محمود ایشین باکسنگ بورڈ آف ڈائریکٹرز کے رکن منتخب

کھیلوں کے میدان میں پاکستان نے ایک اور اہم کامیابی حاصل کرتے ہوئے بھارت کو مات دے دی۔ ایشین باکسنگ فیڈریشن کے بورڈ آف ڈائریکٹرز کے انتخابات میں پاکستان کے محمد خالد محمود نے شاندار کامیابی حاصل کرلی۔

یہ انتخابات تھائی لینڈ کے دارالحکومت بنکاک میں منعقد ہوئے، جہاں جنوبی ایشیا ریجن کی نشست کے لیے پاکستان اور بھارت کے امیدوار آمنے سامنے تھے۔

یہ بھی پڑھیے پاکستان کی پہلی خاتون ورلڈ باکسنگ چیمپیئن عالیہ سومرو اگست میں بھارتی حریف کے مدمقابل ہوں گی

الیکشن میں پاکستان کے خالد محمود کا مقابلہ بھارت کے اجے سنگھ سے ہوا، جس میں خالد محمود نے 18 ووٹ حاصل کیے، جبکہ اجے سنگھ کو صرف 9 ووٹ ملے۔ اس طرح پاکستانی امیدوار نے دو تہائی اکثریت سے کامیابی حاصل کی۔

بھارت کو سفارتی و کھیلوں کے میدان میں ایک اور دھچکا

انتخابات کے دوران ایشیا بھر سے آئے ہوئے اراکین نے پاکستانی امیدوار پر بھرپور اعتماد کا اظہار کیا اور بھارتی امیدوار کو مسترد کردیا، جو بھارت کے لیے ایک اور سفارتی اور کھیلوں کی سطح پر واضح شکست تصور کی جا رہی ہے۔

یہ بھی پڑھیں: پاکستان کا ایک اور اعزاز، باکسنگ چیمپیئن کا ٹائٹل اپنے نام کر لیا

قومی حلقوں میں خوشی کی لہر

محمد خالد محمود کی کامیابی پر کھیلوں کے پاکستانی حلقوں میں خوشی کی لہر دوڑ گئی ہے۔ ان کا انتخاب پاکستان کے لیے نہ صرف اعزاز کی بات ہے بلکہ یہ ایشیائی سطح پر باکسنگ کے کھیل میں پاکستان کی نمائندگی کو مزید مضبوط کرے گا۔