سپریم جوڈیشل کونسل نے چیف الیکشن کمشنر سکندر سلطان راجا اور الیکشن کمیشن کے 2 اراکین، نثار احمد اور شاہ محمد کے خلاف دائر شکایات کو خارج کر دیا ہے۔
مزید پڑھیں: پی ٹی آئی نے چیف الیکشن کمشنر و ممبران کے خلاف سپریم جوڈیشل کونسل سے رجوع کرلیا
کونسل نے اپنے فیصلے کا اعلامیہ جاری کیا ہے۔ اعلامیے کے مطابق، سپریم جوڈیشل کونسل کے اجلاس 8 نومبر اور 13 دسمبر 2024 کو منعقد ہوئے، جن میں 3 علیحدہ علیحدہ شکایات کا جائزہ لیا گیا۔ کونسل نے فیصلہ کیا کہ تینوں شکایات جائز نہیں ہیں اور انہیں خارج کر دیا جائے۔
ذرائع کے مطابق، یہ شکایات سیاسی جماعت تحریک انصاف کی جانب سے بھی سپریم جوڈیشل کونسل کو بھیجی گئی تھیں۔
پی ٹی آئی کی چیف الیکشن کمشنر اور ارکان کے خلاف سپریم جوڈیشل کونسل میں درخواست
27 جولائی 2025 کو پاکستان تحریک انصاف (پی ٹی آئی) نے چیف الیکشن کمشنر اور الیکشن کمیشن کے 2 ممبران کے خلاف سپریم جوڈیشل کونسل میں شکایت دائر کی تھی۔
مزید پڑھیں: سپریم جوڈیشل کونسل کا اجلاس: 10 ججز کے خلاف شکا یتیں داخل دفتر، 6 ججوں کے خط پر بھی غور
پی ٹی آئی نے اس درخواست میں الزام عائد کیا تھا کہ الیکشن کمیشن عام انتخابات کے شفاف انعقاد میں ناکام رہا، پولنگ ایجنٹوں کو اسٹیشنز سے باہر نکالا گیا، کاغذات نامزدگی چھینے گئے، اور مخصوص نشستیں چھین کر پارٹی کو نقصان پہنچایا گیا۔
پارٹی نے یہ بھی کہا کہ الیکشن سے قبل اور دوران مہم ان کی میڈیا کوریج پر پابندی رہی اور ریٹرننگ افسران کی تقرری سیاسی بنیادوں پر کی گئی۔
اس سے قبل پی ٹی آئی نے الیکشن کمیشن پر دھاندلی اور غیر شفاف رویے کے الزام میں مستعفی ہونے کا مطالبہ بھی کیا تھا۔
