آئی سی سی ویمنز کرکٹ ورلڈ کپ 2025 کے حوالے سے جوش و خروش میں مسلسل اضافہ ہو رہا ہے، اور اسی سلسلے میں انٹرنیشنل کرکٹ کونسل (ICC) نے ٹورنامنٹ کا آفیشل ترانہ “Bring It Home” جاری کر دیا ہے۔ اس ترانے کو بھارت کی معروف گلوکارہ شریا گھوشال نے اپنی آواز دی ہے۔
آئی سی سی نے یہ ترانہ سوشل میڈیا پر ایک دلکش ویڈیو کے ساتھ جاری کیا، جس میں شریا گھوشال کی پرجوش موسیقی کے ساتھ خواتین کرکٹرز کی جھلکیاں شامل ہیں۔ گانے کے بول راقیب عالم اور نذیف محمد نے تحریر کیے، جبکہ موسیقی کی کمپوزیشن، پروڈکشن اور ارینجمنٹ نکل ابھیانکر نے کی ہے۔
Sing it with us 🎵
Tarikita Tarikita dhom… dhak dhak! 🥁
The #CWC25 event song ft. @shreyaghoshal is OUT NOW 🤩 pic.twitter.com/1Bw6O5DhgF
— ICC (@ICC) September 19, 2025
ویمنز ورلڈ کپ 2025 ایک تاریخی اہمیت کا حامل ایونٹ ہے، کیونکہ بھارت چوتھی بار اس میگا ایونٹ کی میزبانی کر رہا ہے۔ اس سے قبل بھارت نے 1978، 1997 اور 2013۔ میں ورلڈ کپ کی میزبانی کی تھی۔ اس بار، بھارت سری لنکا کے ساتھ مل کر ٹورنامنٹ کا انعقاد کرے گا
ٹورنامنٹ راؤنڈ رابن فارمیٹ کے تحت کھیلا جائے گا، جس میں 8 ٹیمیں شریک ہوں گی۔ بھارت، آسٹریلیا، نیوزی لینڈ، انگلینڈ، جنوبی افریقہ، پاکستان، بنگلہ دیش، اور سری لنکا۔ ہر ٹیم ایک دوسرے کے خلاف ایک میچ کھیلے گی، اور ٹاپ چار ٹیمیں سیمی فائنل مرحلے کے لیے کوالیفائی کریں گی۔
آئی سی سی نے اس بار ٹورنامنٹ میں شائقین کی زیادہ سے زیادہ شمولیت کے لیے ریکارڈ کم قیمت پر ٹکٹوں کی پیشکش کی ہے۔ ٹکٹ کی قیمتیں صرف ₹100 (تقریباً $1.14) سے شروع ہو رہی ہیں، جو کسی بھی عالمی آئی سی سی ایونٹ کی سب سے کم قیمت ہے۔ ٹکٹوں کی فروخت جاری ہے اور شائقین انہیں Tickets.cricketworldcup.com سے خرید سکتے ہیں۔
