وزیراعلیٰ خیبر پختونخوا علی امین گنڈاپور نے بانی تحریک انصاف عمران خان کے حکم پر اپنے عہدے سے استعفیٰ دے دیا۔ گورنر فیصل کریم کنڈی نے اپنی کے ایک ٹوئٹ میں خیبر پختونخوا نے وزیراعلیٰ کا استعفیٰ موصول ہونے کی تصدیق کر دی ہے۔
Today at 2:30 pm, the handwritten resignation advice of the CM Khyber Pakhtunkhwa wa duly received and acknowledged by Governor House.
After thorough scrutiny and legal formalities as per the Constitution & relevant laws, subject resignation will be processed in due course of… pic.twitter.com/Yn7uA5sjcF— Faisal Karim Kundi (@fkkundi) October 11, 2025
فیصل کریم کنڈی نے سوشل میڈیا پلیٹ فارم ’ایکس‘ پر اپنی ایک ٹوئٹ میں لکھا ہے کہ ’ آج دوپہر 2 بج کر 30 منٹ پر وزیراعلیٰ خیبر پختونخوا کا دست نویس استعفیٰ باقاعدہ طور پر گورنر ہاؤس کو موصول ہوا اور اس کی وصولی کی تصدیق کر دی گئی۔
آئین اور متعلقہ قوانین کے مطابق تفصیلی جانچ پڑتال اور قانونی تقاضوں کی تکمیل کے بعد یہ استعفیٰ مناسب وقت پر کارروائی کے لیے عمل میں لایا جائے گا‘۔
In respectful compliance of the orders of my leader, and Founding Chairman Pakistan Tehreek-e-Insaf, Imran Khan, it is my honour to tender my resignation from the Office of the Chief Minister, Khyber Pakhtunkhwa.
When I took over as Chief Minister, the province was faced with a… pic.twitter.com/b43onAVAby
— Ali Amin Khan Gandapur (@AliAminKhanPTI) October 8, 2025
گورنر ہاؤس کے ترجمان کے مطابق گورنر ہاؤس معاملے کو شفاف اور منظم انداز میں آگے بڑھائے گا تاکہ تمام قانونی تقاضے مکمل ہوں۔
واضح رہے کہ بانی پی ٹی آئی عمران خان نے علی امین گنڈاپور کو وزارتِ اعلیٰ سے ہٹاتے ہوئے سہیل آفریدی کو نیا قائدِ ایوان نامزد کیا ہے۔
یہ بھی پڑھیں:عمران خان کے فیصلے کے سامنے سر تسلیم خم، علی امین گنڈاپور وزارت اعلیٰ سے مستعفی
سہیل آفریدی کا تعلق ضلع خیبر سے ہے اور وہ پہلی بار پی کے 70 سے صوبائی اسمبلی کے رکن منتخب ہوئے۔ ماضی میں وہ انصاف اسٹوڈنٹس فیڈریشن خیبر پختونخوا کے صدر کی حیثیت سے بھی خدمات انجام دے چکے ہیں۔
علی امین گنڈاپور نے اپنے استعفے میں لکھا کہ میرے لیے باعثِ اعزاز ہے کہ میں اپنے قائد کے حکم کی تعمیل کر رہا ہوں۔
