17 سال بعد اقبال اسٹیڈیم فیصل آباد ایک بار پھر انٹرنیشنل کرکٹ کی میزبانی کے لیے تیار ہے۔ پاکستان اور جنوبی افریقہ کی ٹیمیں 3 ون ڈے میچوں کی سیریز کے لیے فیصل آباد پہنچ چکی ہیں۔
🏟️ Faisalabad is ready! International cricket returns after 17 years 🇵🇰
Pakistan & South Africa ODI squads have arrived for the 3-match series 🏏#PAKvSA | #GreenPeYaqeen | #BackTheBoysInGreen pic.twitter.com/j6TdzVSS8f
— Pakistan Cricket (@TheRealPCB) November 2, 2025
شائقین کرکٹ طویل انتظار کے بعد ایک بار پھر اپنے پسندیدہ کھلاڑیوں کو ایکشن میں دیکھنے کے لیے بے تاب ہیں۔ سیریز کا پہلا ون ڈے 4 نومبر کو، دوسرا 6 نومبر کو اور تیسرا 8 نومبر کو اقبال اسٹیڈیم، فیصل آباد میں کھیلا جائے گا۔
مزید پڑھیں: جنوبی افریقہ کے دورہ پاکستان کا شیڈول جاری، 17 سال بعد فیصل آباد کو میزبانی مل گئی
تمام میچز دن رات کے ہوں گے اور انتظامیہ نے شائقین کے لیے خصوصی سیکیورٹی اور سہولتوں کے انتظامات مکمل کر لیے ہیں۔
Ready for the ODI action in Faisalabad! 💥
Pakistan and South Africa players in their ODI kits ahead of the series opener 🎥#PAKvSA | #GreenPeYaqeen pic.twitter.com/v7zb0nGPZU
— Pakistan Cricket (@TheRealPCB) November 2, 2025
واضح رہے کہ پاکستان اور جنوبی افریقہ کے درمیان کھیلی گئی 2 ٹیسٹ میچوں کی سیریز ایک، ایک سے برابر رہی تھی، جبکہ 3 ٹی20 میچوں کی سیریز پاکستان نے دو ایک سے اپنے نام کی تھی۔ اب دونوں ٹیموں کے درمیان ون ڈے سیریز فیصلہ کن حیثیت اختیار کر گئی ہے۔
مزید پڑھیں: پاکستان اور جنوبی افریقہ کے مابین ٹی20 اور ون ڈے سیریز کے لیے ٹکٹس کا اعلان
شائقین کرکٹ اور ماہرین کا کہنا ہے کہ فیصل آباد میں انٹرنیشنل کرکٹ کی بحالی نہ صرف شائقین کے لیے خوشخبری ہے بلکہ پاکستان میں کھیلوں کی سرگرمیوں کی بحالی کی جانب ایک اہم قدم ہے۔
