ملک بھر میں گزشتہ 24 گھنٹوں کے دوران کورونا وائرس کے 10 نئے کیس رپورٹ ہوئے جبکہ 7 مریضوں کی حالت تشویشناک ہے۔
قومی ادارہ صحت کی جانب سے جاری اعداد و شمار کے مطابق ملک بھر میں گزشتہ 24 گھنٹوں کے دوران کورونا وائرس کے 2 ہزار 866 ٹیسٹ کیے گئے جن میں سے 10 افراد کے ٹیسٹ مثبت آئے اس طرح مثبت کیسز کی شرح 0.35 فیصد رہی، اس دوران کورونا وائرس سے کوئی مریض جاں بحق نہیں ہوا جب کہ 7 مریضوں کی حالت تشویشناک ہے۔
COVID-19 Statistics 20 May 2023
Total Tests in Last 24 Hours: 2,866
Positive Cases: 10
Positivity %: 0.35%
Deaths: 00
Patients on Critical Care: 07
(shared by NCOC-NIH)— NIH Pakistan (@NIH_Pakistan) May 20, 2023
گزشتہ 24 گھنٹوں کے دوران لاہور میں کیے گئے 304 ٹیسٹوں میں سے ایک فرد کا ٹیسٹ مثبت آیا، وہاں مثبت کیسز کی شرح 1.33 فیصد رہی، اسی طرح اسلام آباد میں 175 ٹیسٹ کیے گئے جن میں سے 2 افراد کے ٹیسٹ مثبت آئے، وہاں شرح 1.14 فیصد رہی جبکہ گلگت میں 341 ٹیسٹوں میں سے ایک ٹیسٹ مثبت آیا اور وہاں مثبت کیسوں کی شرح 0.29 فیصد رہی ہے۔
