روس نے پاکستان، بھارت اور پاکستان، افغانستان کے تنازعات میں ثالثی کی پیشکش کر دی ہے۔ یہ اعلان روس کے سفیر البرٹ پی خوریف نے اسلام آباد انسٹیٹیوٹ آف اسٹریٹیجک اسٹڈیز کی تقریب سے خطاب کے دوران کیا۔
یہ بھی پڑھیں:اسحاق ڈار کی روسی ہم منصب سے ملاقات، دوطرفہ تعلقات پر تبادلہ خیال
البرٹ پی خوریف نے کہا کہ ماسکو علاقائی سلامتی، خاص طور پر افغانستان کی موجودہ صورتحال پر گہری تشویش رکھتا ہے۔
انہوں نے مزید کہا کہ جنوبی ایشیا میں کشیدگی اکثر بیرونی طاقتوں کی مداخلت کی وجہ سے بڑھتی ہے اور روس خطے میں امن قائم کرنے اور دہشت گردی کے خلاف اقدامات کی حمایت کرتا ہے۔
پاکستان کے ساتھ تعلقات اور تعاون
روسی سفیر نے پاکستان کے کردار کو اہم قرار دیتے ہوئے کہا کہ روس پاکستان کو ایک کلیدی علاقائی شراکت دار کے طور پر دیکھتا ہے۔
یہ بھی پڑھیں:امریکا کی بھارت کو پھر تنبیہ، روسی تیل کی درآمدات پر ’سنجیدگی‘ دکھانے کا مطالبہ
انہوں نے یہ بھی کہا کہ ماسکو پاکستان کے ساتھ علاقائی، سماجی اور معاشی ترقی میں تعاون جاری رکھنے کا خواہاں ہے اور یہ کہ صدر پیوٹن کے ’گریٹر یوریشین پارٹنرشپ‘ کے وژن کے مطابق علاقائی مسائل کو علاقائی فریقین کے ذریعے ہی حل کیا جانا چاہیے۔
