خیبرپختونخوا پولیس نے کیپٹن کرنل شیر خان شہید کا مجسمہ توڑنے والے دیگر 2 ملزمان کو بھی گرفتار کر لیا ہے۔
خیبر پختونخوا پولیس کے مطابق 9 مئی کو عمران خان کی گرفتاری کے خلاف ہونے والے احتجاج کے دوران ملزمان شیرعالم اور عدنان نے کیپٹن کرنل شیر خان شہید کے مجسمے کو توڑ کر آگ لگائی تھی۔ دونوں ملزمان کو مردان سے گرفتار کیا گیا ہے، مجسمے کی بے حرمتی کے الزام میں ملوث تینوں ملزمان کو گرفتار کیا جا چکا ہے۔
یاد رہے کہ اس سے قبل کے پی پولیس نے مردان کے علاقے گجر گڑھی سے رحمت اللہ نامی ملزم کو گرفتار کیا تھا، ملزم کو خفیہ اداروں کی مدد سے گرفتار کیا تھا، حساس اداروں نے ملزم کو ویڈیوز کی مدد سے شناخت کیا تھا۔
