دبئی ایئر شو کے دوران جمعے کو مشق کے دوران حادثے کا شکار ہونے والے بھارتی ساختہ لائٹ لڑاکا ایئرکرافٹ تیجس جس کے گرنے کے آخری لمحات کے مناظر زمین پر موجود متعدد افراد نے اپنے کیمروں میں محفوظ کیے۔
یہ بھی پڑھیں: دبئی ایئر شو کے دوران بھارتی جنگی طیارہ گر کر تباہ، پائلٹ ہلاک
جہاز کے آخری لمحات کی ویڈیو سوشل میڈیا پر پوسٹ کی گئی جہاں گیا کہ انہیں پائلٹ کے ایجیکشن (جہاز سے کودنے، باہر نکلے) کے آثار نظر نہیں آئے۔
حادثے کا شکار ہونے والا تیجس طیارہ تامل ناڈو کے سُلور ایئر بیس کی اسکواڈرن سے تعلق رکھتا تھا اور سنہ 2016 سے سروس میں تھا۔
چھوٹے جنگی طیارے کے پائلٹ نے لوپ منوورنگ کی کوشش کی جس میں طیارہ عمودی دائرے میں اوپر جاتا ہے لیکن چند سیکنڈ میں ہی وہ بلندی حاصل کرنے سے قبل زمین سے ٹکرا گیا۔ ٹکر کے فوراً بعد جائے حادثہ سے دھوئیں کا بڑا بادل اٹھا۔
واضح رہے کہ لوپ منوور کرنا ایک فضائی کرتب ہے جس میں طیارہ سیدھا آگے بڑھتے ہوئے اچانک اوپر کی طرف چڑھتا ہے اور پھر ہوا میں ایک بڑا سا دائرہ بناتا ہے اور آخر میں دوبارہ اسی سمت میں سیدھا ہو کر آ جاتا ہے یعنی وہ آسمان میں پورا گول چکر لگا کر اپنے راستے پر واپس آ جاتا ہے۔ یہ منوورنگ ایئر شو میں مہارت دکھانے اور جنگی حالات میں پوزیشن تبدیل کرنے کے لیے کی جاتی ہے لیکن اگر رفتار یا اونچائی مناسب نہ ہو اور طیارہ لوپ مکمل نہ کر پائے اور حادثہ ہو سکتا ہے۔
مزید پڑھیے: 2 سال میں 2 کریش، تیجاس طیارے کی پروڈکشن ناقص کیوں؟
دیسی ساختہ طیارے کی پرواز پر خوشی کا اظہار کرنے والے ایئر شو کے حاظرین اچانک پیش آنے والے اس حادثے کو دیکھ کر ہکا بکا رہ گئے۔
A Tejas fighter has crashed during a display at Dubai air show. Awaiting info on pilot. pic.twitter.com/YT4DgLhXMr
— Angad Singh (@zone5aviation) November 21, 2025
رپورٹس کے مطابق طیارہ گر کر تباہ ہو گیا اور شعلوں کی لپیٹ میں آگیا۔ حادثے میں پائلٹ کی موقعے پر ہی موت واقع ہوگئی۔
مزید پڑھیں: بھارتی فضائیہ کی نااہلی پھر سامنے آگئی، طیاروں میں موجود سنگین فنی خرابیاں چھپائی نہ جا سکیں
حال ہی میں روسی ساختہ مگ 21 طیاروں کی ریٹائرمنٹ کے بعد تیجس طیارے بھارتی فضائیہ کے اگلے اہم جنگی جہازوں کے طور پر سامنے آئے ہیں۔
