کراچی کی شارع فیصل پر سندھی ثقافت سے متعلق ریلی کے دوران شدید کشیدگی دیکھنے میں آئی، جب ایف ٹی سی کے قریب ریلی کے شرکا نے پولیس پر پتھراؤ کر دیا۔ صورتحال پر قابو پانے کے لیے پولیس نے آنسو گیس کی شیلنگ کی، تاہم مشتعل افراد نے پولیس کی گاڑیوں کے شیشے توڑ دیے۔
یہ بھی پڑھیں: کراچی میں 35 روزہ ورلڈ کلچر فیسٹیول کا آغاز، کیا کچھ دیکھنے کو ملے گا؟
پتھراؤ کے نتیجے میں پولیس کی گاڑیوں اور واٹر ٹینکر کے شیشے ٹوٹ گئے جبکہ پولیس نے متعدد افراد کو حراست میں لے لیا ہے۔
کراچی: شارع فیصل پر شرپسندوں نے گاڑی کا شیشہ توڑ دیا
شارع فیصل عام شہریوں کے لیے نوگو ایریا بنا ہوا ہے وہیں شرپسندوں کو جانے کی اجازت کس نے دی
جئے سندھ کے غنڈوں شکلیں دیکھی جا سکتی ہیں
انھیں گرفتار کر کے ان کے سرپستوں تک پہنچا جائے اور سخت قانونی کارروائی کی جائے pic.twitter.com/XWklop1wHH
— A.K Mohsin (@ak_mohsin) December 7, 2025
سوشل میڈیا پر سامنے آنے والی ایک ویڈیو میں دیکھا جا سکتا ہے کہ ریلی کے شرکا نے ایمبولینس کو بھی نہیں بخشا اور اس پر پتھراؤ کیا۔ مشتعل افراد نے ایمبولینس کے شیشے اور دروازے توڑ دیے، جبکہ ایک پرائیویٹ ایمبولینس کو محض ہارن بجانے پر توڑ پھوڑ کا نشانہ بنایا گیا۔ نامعلوم افراد ڈنڈوں، مکوں اور لاتوں سے ایمبولینس کو نقصان پہنچاتے رہے۔
یہ بھی پڑھیں: ایک ایک پائی کراچی کی ترقی پر خرچ کی جائے گی، مرتضیٰ وہاب
پولیس کے مطابق واقعے کی مزید تحقیقات جاری ہیں جبکہ علاقے میں قانون نافذ کرنے والے اداروں کی نفری بڑھا دی گئی ہے۔
