خاتون اول بی بی آصفہ بھٹو زرداری نے بختاور کیڈٹ کالج برائے طالبات کی پانچویں پاسنگ آؤٹ پریڈ میں شرکت کی۔ اس موقع پر انہوں نے کالج میں نئے جمناسیم اور سوئمنگ پول کا بھی افتتاح کیا۔
اس موقع پر خاتون اول بی بی آصفہ بھٹو زرداری کو بختاور کیڈٹ کالج برائے طالبات کی پانچویں پاسنگ آؤٹ پریڈ اور سالانہ پیرنٹس ڈے کی تقریب میں گارڈ آف آنر پیش کیا گیا۔
خاتون اول بی بی آصفہ بھٹو زرداری کو بختاور کیڈٹ کالج برائے طالبات کی پانچویں پاسنگ آؤٹ پریڈ اور سالانہ پیرنٹس ڈے کی تقریب کے موقع پر گارڈ آف آنر پیش کیا جارہا ہے۔@AseefaBZ pic.twitter.com/ViqrHQ2iyN
— PTV News (@PTVNewsOfficial) December 19, 2025
خاتون اول آصفہ بھٹو نے اس موقع پر کہاکہ بختاور کیڈٹ کالج طالبات کو تعلیم، نظم و ضبط اور قیادت کے ذریعے بااختیار بنا رہا ہے اور وہ طلباء کو نظم و ضبط، احترام اور استقامت اپنانے کی تلقین کرتی ہیں۔
اس تقریب کے دوران خاتون اول نے ’آرٹ اینڈ سائنس ایگزیبیشن 2025-26‘ کا باضابطہ افتتاح بھی کیا اور کیڈٹس میں کالج کریسٹ اور انعامات تقسیم کیے۔
پاسنگ آؤٹ پریڈ میں مارچ پاسٹ، پی ٹی، جمناسٹک اور کراٹے شو نے تقریب میں چار چاند لگا دیے۔
آصفہ بھٹو زرداری نے کہاکہ بختاور کیڈٹ کالج ملک بھر کی 423 طالبات کو معیاری تعلیم فراہم کر رہا ہے اور نوجوان خواتین کو بااختیار بنانا پاکستان کے روشن مستقبل کی ضمانت ہے۔
