ایشز سیریز کے چوتھے ٹیسٹ میں ایک سنسنی خیز اور غیر معمولی مقابلے میں انگلینڈ نے آسٹریلیا کو صرف 2 دن میں شکست دے کر کرکٹ کی تاریخ میں ایک یادگار باب رقم کر دیا۔
آسٹریلیا کے شہر میلبرن میں کھیلا گیا باکسنگ ڈے ٹیسٹ نہ صرف تیز رفتاری سے اختتام پذیر ہوا بلکہ کئی حوالوں سے تاریخی بھی ثابت ہوا۔
یہ بھی پڑھیے میچز کے دوران مے نوشی، انگلینڈ کے کرکٹرز مشکل میں پڑگئے
ابتدائی 3 میچز ہار کر سیریز گنوانے کے بعد انگلینڈ نے ایشز میں پہلی کامیابی حاصل کی۔ انگلینڈ نے 175 رنز کا ہدف 6 وکٹوں کے نقصان پر حاصل کر لیا۔
انگلینڈ کی بیٹنگ
انگلینڈ کی جانب سے جیکب بیتھیل 40 رنز، زیک کرولی 37 رنز، بین ڈکٹ 34 رنز بنا کر نمایاں رہے، جبکہ ہیری بروک 18 رنز اور جیمی اسمتھ 3 رنز بنا کر ناٹ آؤٹ رہے۔ کپتان بین اسٹوکس 2، جو روٹ 15 اور برائیڈن کارس 6 رنز بنا کر آؤٹ ہوئے۔
آسٹریلوی بولنگ
آسٹریلیا کی جانب سے جھائی رچرڈسن، اسکاٹ بولینڈ، مچل اسٹارک نے 2،2 وکٹیں حاصل کیں۔
آسٹریلیا کی دوسری اننگز
قبل ازیں دوسرے روز آسٹریلیا نے اپنی دوسری اننگز کا آغاز 4 رنز بغیر نقصان سے کیا، تاہم پوری ٹیم 132 رنز پر ڈھیر ہو گئی۔
آسٹریلیا کی جانب سے ٹریوس ہیڈ 46 رنز، کپتان اسٹیو اسمتھ 24 رنز ناٹ آؤٹ نمایاں رہے۔
یہ بھی پڑھیے باکسنگ ڈے ٹیسٹ، اسٹیڈیم میں تماشائیوں کی ریکارڈ تعداد، انگلینڈ کے باؤلرز چھا گئے
انگلینڈ کے بولرز نے شاندار کارکردگی دکھاتے ہوئے برائیڈن کارس نے 4 وکٹیں، بین اسٹوکس نے 3 وکٹیں، جوش ٹنگ نے 2 وکٹیں اور گس ایٹکنسن نے ایک وکٹ حاصل کی۔
ٹیسٹ کے پہلے دن کا کھیل
پہلے دن دونوں ٹیمیں اپنی پہلی اننگز میں آؤٹ ہو گئی تھیں۔ اس سے قبل انگلش کپتان بین اسٹوکس نے ٹاس جیت کر آسٹریلیا کو بیٹنگ کی دعوت دی۔ آسٹریلیا پہلی اننگز میں 152 ہوگئی۔ جبکہ رنز پر آؤٹ
انگلینڈ جواب میں 110 رنز پر ڈھیر ہوگئی۔ اس طرح آسٹریلیا کو 42 رنز کی برتری حاصل ہوئی۔ دن کے اختتام پر آسٹریلیا نے دوسری اننگز میں 4 رنز بغیر نقصان بنائے تھے۔
تاریخی پہلو
یہ ایشز کی تاریخ میں پہلا موقع ہے کہ آسٹریلوی ٹیم کو اسٹیو اسمتھ کی کپتانی میں شکست ہوئی۔ یہ سیریز کا دوسرا ٹیسٹ تھا جو صرف 2 دن میں ختم ہوا۔
