بگ بیش لیگ میں بغیر آؤٹ ہوئے محمد رضوان کو واپس بلا لیا گیا، معاملہ آخر کیا ہے؟

آسٹریلیا کی بگ بیش لیگ میں ایک انوکھا واقعہ سامنے آیا جب پاکستان کے اسٹار بیٹر محمد رضوان کو سست بیٹنگ کی وجہ سے حکمت عملی کے تحت ریٹائرڈ آؤٹ کر دیا گیا۔ میلبرن رینیگیڈز کے کپتان نے فوری طور پر رضوان کو گراونڈ سے باہر بلایا اور ان کی جگہ دوسرا بیٹر میدان میں اتار دیا۔

محمد رضوان نے اس میچ میں 23 گیندوں پر صرف 26 رنز بنائے، جن میں 9 گیندیں بغیر کسی رن کے گئیں اور یہی وجہ بنی کہ کپتان نے انہیں ٹائم کے حساب سے ریٹائرڈ آؤٹ کرنے کا فیصلہ کیا۔

Muhammad Rizwan has been retired out by the Melbourne Renegades 👀 #BBL15 pic.twitter.com/AuTGoTIHqb

— KFC Big Bash League (@BBL) January 12, 2026

اس موقع پر کمنٹری باکس میں موجود سابق آسٹریلوی کرکٹر نے بھی کپتان کے فیصلے کی حمایت کی اور کہا کہ یہ اقدام دو اوورز پہلے ہی کر لینا چاہیے تھا۔

کپتان کی جانب سے یہ فیصلہ سوشل میڈیا پر صارفین کی توجہ کا مرکز بن گیا اور کئی لوگوں نے رضوان کو سخت تنقید کا نشانہ بنایا۔ ایک صارف نے تو یہ تجویز بھی دی کہ انہیں فوری طور پر ٹی 20 کرکٹ سے ریٹائرمنٹ لے لینی چاہیے۔

مظہر ارشد نے لکھا کہ رضوان وہ پہلے پاکستانی بلے باز بن گئے ہیں جنہیں 20 اوورز کی ٹی 20 کرکٹ میں حکمت عملی کے تحت ریٹائرڈ آؤٹ کیا گیا۔

Rizwan has become the first batter from Pakistan to be retired out for tactical reasons in 20 overs T20 cricket. pic.twitter.com/PHO4WcucSB

— Mazher Arshad (@MazherArshad) January 12, 2026

ارفع فیروز نے لکھا کہ مایک ہیسن اور سلیکشن کمیٹی کو کبھی جوابدہ نہیں ٹھہرایا گیا کہ انہوں نے محمد رضوان کو بغیر کسی وجہ کے ٹیم سے خارج کیا۔ یہ متنازعہ فیصلہ نہ صرف اعتماد کو ٹھیس پہنچا چکا ہے بلکہ رضوان کی کارکردگی پر بھی منفی اثر ڈال چکا ہے۔

Mike Hesson and Selection Committee was never held accountable for dropping Mohammad Rizwan without justification. The controversial decision has clearly damaged the confidence and has negatively impacted the performance of Rizwan.🙏🏽#PakistanCricket https://t.co/8JrC4o4PqM

— Arfa Feroz Zake (@ArfaSays_) January 12, 2026

وقاص نامی صارف نے لکھا کہ یہ وہ کھلاڑی ہے جسے ہر کوئی ٹی20 ورلڈ کپ کے لیے واپس چاہتا ہے۔

This is the guy everyone wants back for the T20WC lmaoooooo https://t.co/LtJiWn6WAq

— Waqas. (@VickzTiwana) January 12, 2026

ایک سوشل میڈیا صارف کا کہنا تھا کہ ہمارے معروف اسٹار کھلاڑی بابر، رضوان اور شاہین اس ٹورنامنٹ میں مکمل طور پرشرمندگی کا سبب بنے ہیں۔

Our so called stars players Babar,Rizwan & shaheen have been complete embarrassing in this tournament https://t.co/V5AUCpgCIa

— S A L A R (@__jabra_afridi) January 12, 2026

رابعہ نامی صارف نے کہا کہ یہ واقعی شرمناک ہے، رضوان کو دوبارہ ٹی20 کرکٹ میں جگہ نہیں ملنی چاہیے۔