بالی ووڈ کی معروف اداکارہ کرینہ کپور خان بھی سوشل میڈیا پر جاری 2016 کے ٹرینڈ کا حصہ بن گئیں۔ کرینہ کپور خان نے حال ہی میں ماضی کی چند نایاب اور یادگار تصاویر مداحوں کے ساتھ شیئر کی ہیں۔
یہ بھی پڑھیں: کرینہ کپور کی نئی ورزش سوشل میڈیا پر وائرل، اس کے فائدے کیا ہیں؟
شیئر کی گئی تصاویر میں کرینہ کو حمل کے دوران مختلف مواقع پر پراعتماد اور باوقار انداز میں دیکھا جا سکتا ہے۔ اداکارہ نے اس دور کو اپنی زندگی کا ایک طاقتور اور خوبصورت مرحلہ قرار دیا۔
Kareena Kapoor’s take on the 2016 trend taking us down memory lane 💗#IIFA #Bollywood #KareenaKapoor pic.twitter.com/qLBX2Tnx3G
— IIFA (@IIFA) January 17, 2026
کرینہ کپور نے انکشاف کیا کہ وہ حمل کے دوران بھی اپنے پیشہ ورانہ کام سے جڑی رہیں اور ریمپ پر واک کرکے یہ ثابت کیا کہ ماں بننا کسی بھی عورت کی پیشہ ورانہ شناخت کو محدود نہیں کرتا۔ ان کا کہنا تھا کہ اس مرحلے پر بھی انہوں نے اپنے اعتماد اور وقار کو مضبوطی سے قائم رکھا۔
View this post on Instagram
سوشل میڈیا پر وائرل تصاویر میں کرینہ کا انداز سادہ مگر بااثر دکھائی دیتا ہے، جسے مداحوں کی جانب سے خوب سراہا جا رہا ہے۔ اداکارہ کی یہ پوسٹ خواتین کے لیے حوصلے اور خود اعتمادی کا پیغام قرار دی جا رہی ہے کہ زندگی کے ہر مرحلے میں خود پر یقین رکھنا سب سے زیادہ اہم ہے۔
Ananya Panday’s 2016 photos had us feeling all the nostalgia ✨#IIFA #Bollywood #AnanyaPanday pic.twitter.com/th1Vu1VMri
— IIFA (@IIFA) January 16, 2026
یہ بھی پڑھیں: ’کرینہ کپور میری بیوی رہ چکی‘، مفتی قوی کا حیران کن دعویٰ
واضح رہے کہ ان دنوں سوشل میڈیا پر 2016 کا ٹرینڈ خاصا مقبول ہے اور لوگ اس سال سے جڑی یادیں اور تصاویر شیئر کر رہے ہیں۔ کرینہ کپور خان سے قبل عالیہ بھٹ، اننیا پانڈے اور سونم کپور سمیت کئی بالی ووڈ اداکارائیں بھی اس ٹرینڈ میں حصہ لے چکی ہیں۔
