لاس اینجلس میں 68 ویں سالانہ گرامی ایوارڈز کی تقریب منعقد ہوئی جس میں عالمی سطح کے نمایاں موسیقار اور فنکار شریک ہوئے جس کی میزبانی معروف کامیڈین ٹریور نوح نے چھٹی اور آخری بار کی۔
اس سال کے بیسٹ نیو آرٹسٹ کے نامزد تمام 8 فنکار لیون تھامس، اولیویا ڈین، کاتسئی، دی ماریاز، ایڈیسن رائے، سومبر، ایلکس وارن اور لولا ینگ نے مشترکہ پرفارمنس دی۔ اس کے علاوہ برونو مارس، روزے، ٹائلر دی کریئیٹر، لیڈی گاگا، سبری کارپنٹر، جسٹن بیبر، کلپز اور فیریل ولیمز نے بھی پرفارم کیا۔
گرامیز 2026 کے ایوارڈ فاتحین کون رہے؟
سونگ آف دی ایئر: بیلی آئلیش نے اپنی ہٹ سونگ Wildflower کے ساتھ یہ ایوارڈ اپنے نام کیا۔
ریکارڈ آف دی ایئر: کینڈریک لامار اور SZA نے Luther کے لیے یہ اعزاز حاصل کیا۔
البم آف دی ایئر: DeBÍ TiRAR MáS FOToS کو سال کا بہترین البم قرار دیا گیا۔
بیسٹ نیو آرٹسٹ: اولیویا ڈین نے نئے فنکار کے طور پر نمایاں کارکردگی دکھائی۔
بیسٹ ریپ البم: کینڈریک لامار کا GNX بہترین ریپ البم قرار پایا۔
بیسٹ موسیقی اربانا البم: بیڈ بنی کا DeBÍ TiRAR MáS FOToS لاطینی موسیقی کی شاندار کامیابی کے طور پر سراہا گیا۔
بیسٹ پاپ وکل البم: لیڈی گاگا کی Mayhem کو بہترین پاپ وکل البم قرار دیا گیا۔
