پاکستان میں امریکی ناظم الامور نیٹلی اے بیکر کا کہنا ہے کہ ان کا ملک جمعے کو اسلام آباد میں ہونے والے دہشتگرد حملے کی شدید مذمت کرتا ہے جس کے نتیجے میں بے گناہ نمازی جاں بحق اور زخمی ہوئے۔
یہ بھی پڑھیں: اسلام آباد: ترلائی کی مسجد میں دھماکا، 30 سے زیادہ افراد جاں بحق، 80 سے زائد زخمی
اپنے بیان میں نیٹلی بیکر نے کہا کہ امریکا اس واقعے سمیت ہر قسم کی دہشتگردی اور تشدد کی مذمت کرتا ہے۔
انہوں نے کہا کہ وہ امریکا کی جانب سے میں اس حملے میں زخمی اور جاں بحق ہونے والوں کے اہلخانہ اور عزیزو اقارب سے دلی تعزیت اور ہمدردی کا اظہار کرتی ہیں۔
نیٹلی بیکر کا کہنا تھا کہ شہریوں اور عبادت گاہوں کے خلاف دہشتگردی اور انہیں نشانہ بنانا ناقابل قبول ہے۔ ان کا مزید کہنا تھا کہ پاکستانی عوام حفاظت اور وقار کے ساتھ اور خوف کے بغیر اپنے عقیدے پر عمل کرنے کے حقدار ہیں۔
The United States strongly condemns today’s terrorist attack in Islamabad that left innocent worshippers dead and injured. We condemn all acts of terror and violence, including this attack.
On behalf of the United States, I offer our sincere condolences to those injured and to… pic.twitter.com/9rzPdWpHTD— U.S. Embassy Islamabad (@usembislamabad) February 6, 2026
ناظم الامور نے کہا کہ امریکا امن و سلامتی کے فروغ کے لیے پاکستان کی کوششوں کی حمایت جاری رکھے ہوئے ہے اور استحکام کے لیے اپنی شراکت داری پر قائم ہے۔
انہوں نے مزید کہا کہ ہم اس مشکل وقت میں پاکستان کے ساتھ کھڑے ہیں۔
دوسری جانب امریکا کے بیورو آف ساؤتھ اینڈ سینٹرل ایشین افیئرز نے امام بارگاہ خدیجہ الکبریٰ پر ہونے والے بم دھماکے کی سخت مذمت کی ہے۔
The United States strongly condemns the bombing of the Khadija Al-Kubra mosque in Pakistan. People around the world, of all faiths, should be able to worship freely and peacefully, without fear of violence. Our thoughts are with those injured and the friends and family of those…
— Bureau of South and Central Asian Affairs (SCA) (@State_SCA) February 6, 2026
بیان میں کہا گیا ہے کہ دنیا بھر کے لوگ، ہر مذہب کے پیروکار، بلا خوف و خطر آزادانہ اور پرامن طریقے سے عبادت کرسکیں۔ امریکا اپنے خیالات اور دعاؤں کے ذریعے زخمیوں اور شہداء کے اہل خانہ و دوستوں کے ساتھ ہے۔
