معروف اداکار نعمان اعجاز نے معروف ڈرامہ نگار خلیل الرحمان قمر کے سخت اور متنازعہ بیانات کا جواب دیتے ہوئے کہا ہے کہ انہوں نے یہ بیان کیوں دیا اس کی وضاحت صرف وہ خود دے سکتے ہیں۔
نعمان اعجاز نے حال ہی میں ایک پروگرام میں کہا کہ ہر شخص کو اپنی رائے رکھنے کا حق حاصل ہے، لیکن خلیل الرحمان قمر کے بیانات کی وجوہات وہ خود ہی بیان کر سکتے ہیں۔ انہوں نے مؤدبانہ انداز میں کہا کہ میں ایک عوامی شخصیت ہوں عوامی ملکیت نہیں اور میں نہیں چاہوں گا کہ کوئی میری ذاتی زندگی اور خاندان پر تبصرہ کرے۔ البتہ اگر میں کچھ کہوں تو لوگ اس کا جائزہ لے سکتے ہیں۔
واضح رہے کہ حال ہی میں ایک نجی ٹی وی چینل پر گفتگو کے دوران خلیل الرحمان قمر نے کہا تھا کہ وہ ذاتی طور پر نعمان اعجاز کو پسند نہیں کرتے اور ان سے نفرت کرتے ہیں۔ دونوں نے ماضی میں ہٹ ڈرامہ ’میں مر گئی شوکت علی‘ میں ساتھ کام کیا تھا لیکن اس کے بعد زیادہ تر ایک دوسرے سے دور رہے۔
View this post on Instagram
