بدھ کو پی ایس ایل 11 کے لیے کھلاڑیوں کی پہلی نیلامی میں تمام 8 فرنچائزز نے ملکی و غیر ملکی کھلاڑیوں کو اپنے اسکواڈ میں شامل کیا لیکن ٹی 20 انٹرنیشنل میں پہلی سینچری بنانے والے احمد شہزاد اور جارحانہ بیٹر عمر اکمل کو ہر ٹیم کی انتظامیہ نے ہی نظر انداز کرتے ہوئے انہیں اپنے اسکواڈ میں شامل نہیں کیا۔
یہ بھی پڑھیں: احمد شہزاد نے پاکستانی کرکٹ کی تلخ حقیقت سے پردہ اٹھا دیا
پاکستان کرکٹ ٹیم کے سابق کپتان شاہد آفریدی نے پاکستان سپر لیگ (پی ایس ایل) سیزن 11 میں احمد شہزاد اور عمر اکمل کے نظر انداز کیے جانے پر اپنے تحفظات کا اظہار کیا ہے جبکہ خود احمد شہزاد بھی اس پر خاصے رنجیدہ ہیں۔
احمد شہزاد اور عمر اکمل کو نظر انداز کرنے پر شاہد آفریدی کیا کہتے ہیں؟
نجی ٹی وی چینل سے گفتگو کرتے ہوئے شاہد آفریدی نے کہا کہ کچھ کھلاڑیوں کو ضرورت سے زیادہ نظر انداز کیا جاتا ہے۔
Shahid Afridi once Again came into support for Ahmad Shahzad And umar Akmal @SAfridiOfficial ❤️ pic.twitter.com/ACJADPJxJ2
— MUZAMIL (@Muzamiil10) February 13, 2026
شاہد آفریدی نے کہا کہ مجھے امید تھی کہ 2 نئی ٹیموں کے شامل ہونے کے بعد احمد شہزاد اور عمر اکمل کو پی ایس ایل میں جگہ دی جائے گی۔
’میں ہوتا تو دونوں کھلاڑیوں کو ضرور لیتا‘
انہوں نے مزید کہا کہ ’اگر میں کسی ٹیم میں ہوتا تو احمد شہزاد اور عمر اکمل کو ضرور شامل کرتا‘۔
شاہد آفریدی کا کہنا تھا کہ یہ ٹیم منیجمنٹ کا کام ہے کہ وہ کھلاڑیوں کو لے کر چلے اور میں سمجھتا ہوں کہ عمر اکمل اور احمد شہزاد کسی ایک فرنچائز کا حصہ ہونا چاہیے تھا۔
احمد شہزاد آبدیدہ ہوگئے
پی ایس ایل سیزن 11 کے لیے منتخب نہ ہونے پر احمد شہزاد ایک لائیو شو میں آبدیدہ ہوگئے۔
مزید پڑھیے: پی ایس ایل آکشن میں عمر اکمل کا نام شامل کیوں نہیں؟ کامران اکمل نے سسٹم پر سوال کھڑے کردیے
ایک ٹی وی پروگرام میں میزبان کے سوال کے جواب میں انہوں نے کہا کہ ساتھی کھلاڑیوں کو کھیلتا دیکھ کر مجھے خوشی ہوتی ہے لیکن اس بات پر بہت دکھ ہوتا ہے کہ میں پی ایس ایل میں ان کے ساتھ نہیں ہوں۔
’میرا 9 سالہ بیٹا دل رکھنے کو کہہ دیتا ہے اس کو میرا کھیلنا یاد ہے‘
احمد شہزاد نے کہا کہ سب سے زیادہ دکھ اس بات کا ہے کہ میرا بیٹا مجھے کھیلتا دیکھنا چاہتا ہے اور وہ اب 9 سال کا ہو گیا ہے۔
مزید پڑھیں: پی ایس ایل 11 کے لیے کھلاڑیوں کی بولی، کس کھلاڑی کی کتنی قیمت لگی؟
انہوں نے کہا کہ ان کا بیٹا ان کا دل رکھنے کے لیے کہہ دیتا ہے ’بابا مجھے یاد ہے آپ کھیلتے تھے‘۔
یہ اظہار جذبات اور آفریدی کے مضبوط مؤقف نے پی ایس ایل 11 میں نظر انداز کیے جانے والے شاندار اور باصلاحیت کرکٹرز کی حمایت میں ایک اہم پیغام ہے۔
