سابق وزیرِاعلیٰ خیبر پختونخوا علی امین گنڈاپور کی بطور وزیرِاعلیٰ فراہم کی گئی تمام سیکیورٹی واپس لے لی گئی۔
یہ بھی پڑھیں: ’لگتا ہے پھر سے لانچ کردیا‘، علی امین گنڈاپور کے حالیہ بیانات پر پی ٹی آئی ہمدرد ناراض
ذرائع کے مطابق رات گئے سہیل آفریدی کی جانب سے کارروائی کرتے ہوئے سابق وزیرِاعلیٰ کی تمام سیکیورٹی اور تعینات اہلکاروں کو کلوز کر دیا گیا۔
اس اقدام کے بعد علی امین گنڈاپور کو سرکاری سیکیورٹی پروٹوکول حاصل نہیں رہے گا۔
ذرائع کا کہنا ہے کہ سابق وزیرِاعلیٰ کو ماضی میں کئی مرتبہ سیکیورٹی خطرات لاحق رہ چکے ہیں جبکہ ان کی رہائش گاہ پر دستی بم حملہ بھی ہو چکا ہے۔
ایسی صورتحال میں صوبے کے موجودہ امن و امان کے تناظر میں سیکیورٹی واپس لینے کے فیصلے کو بعض حلقے غیر متوقع قرار دے رہے ہیں۔
مزید پڑھیے: عمران نے نواز شریف کو باہر بھیجا، آپ بانی پی ٹی آئی کو بھیج دیں، علی امین گنڈاپور کا وزیراعظم سے مطالبہ
حکام کی جانب سے اس حوالے سے تاحال باضابطہ مؤقف سامنے نہیں آیا۔
