یکم مارچ سے پیٹرولیم مصنوعات کی قیمتوں میں کتنا اضافہ متوقع؟

پاکستان میں یکم مارچ سے پیٹرول اور ڈیزل کی قیمتیں بڑھنے کا امکان ہے۔ ذرائع کے مطابق پیٹرول فی لیٹر 4.58 روپے جبکہ ہائی اسپیڈ ڈیزل فی لیٹر 4.73 روپے مہنگا ہو سکتا ہے۔

یہ بھی پڑھیں: آئندہ 15 روز کے لیے پیٹرولیم مصنوعات کی قیمتوں کا اعلان، پیٹرول5 روپے، ہائی اسپیڈ ڈیزل 7 روپے 32 پیسے مہنگا

میڈیا رپورٹس کے مطابق کیروسین کی قیمت میں فی لیٹر 6.88 روپے جبکہ لائٹ ڈیزل آئل میں 5 روپے اضافہ متوقع ہے۔ حالیہ پندرہ روزہ جائزے میں 15 فروری کو وفاقی حکومت نے پیٹرول اور ہائی اسپیڈ ڈیزل کی قیمتیں بالترتیب 5 اور 7.32 روپے فی لیٹر بڑھا دی تھیں۔ موجودہ قیمت کے مطابق پیٹرول 258.17 روپے اور ڈیزل 275.7 روپے فی لیٹر پر فروخت ہورہا ہے۔

عالمی منڈی میں تیل کی قیمتوں میں اضافہ

دوسری جانب عالمی منڈی میں جمعے کو تیل کی قیمتوں میں تقریباً 3 فیصد اضافہ دیکھا گیا، جس کا تعلق امریکی اور ایرانی جوہری مذاکرات کے دوران ممکنہ سپلائی میں خلل کے خدشات سے ہے۔

یہ بھی پڑھیں: ملک میں پیٹرولیم مصنوعات کی ممکنہ قلت کے خدشات پر اوگرا نے وضاحت کردی

برینٹ کروڈ فیوچرز 72.84 ڈالر فی بیرل جبکہ یوایس  ویسٹ ٹیکساس انٹرمیڈیٹ 67.54 ڈالر فی بیرل پر ٹریڈ کررہا تھا۔ یہ قیمتیں جولائی اور اگست کے بعد سب سے زیادہ سطح پر ہیں۔